«Ony júzdegen adam kórgen shyǵar»: Pavlodarda bir aı boıy izdestirilgen er adamnyń máıiti tabyldy

Foto: oren.ru

Pavlodarda jumysynan shyǵyp, joǵalyp ketken er adam bir aıdan astam ýaqyt ótkennen keıin óli kúıinde tabyldy. Máıittiń tabylǵany jóninde jergilikti VITA izdeý tobynyń volonterleri áleýmettik jelide jazdy. Bul týraly qandastar.kz Stan.kz aqparat agenttigine silteme jasap habarlaıdy.

Málimetterge sensek, 26 jastaǵy Aleksandr Fomınniń denesi qala turǵyndary kún saıyn serýendeıtin Ýsolsk shaǵyn aýdanyndaǵy toǵaıdyń janynan tabyldy.

«Kún saıyn munda júzdegen adam serýendeıdi, motoıklshiler keledi, jaqynda tipti jarystar ótti. Ony kórgender bolǵan. Jaǵdaıdyń osylaı aıaqtalǵany óte ókinishti… Biz ony uzaq ýaqyt taba almadyq, túrli nusqany qarastyrdyq, sońǵy kezderi ol meniń jáne bizdiń jigitterdiń túsine de kirdi, ókinishke qaraı, ol tiri emes eken. Biz josparlanǵan sharshy aýmaqqa qaıtadan izdeýge shyqtyq. Toptarǵa bólinip, orman alqabyn aralap júrgenimizde, men bir daqty baıqadym, onda qandaı da bir jolaqtar bar, lampas sııaqty, biraq Aleksandrda ondaı bolmaǵan edi. Jaqynyraq baryp qaraǵanda, onyń ózi bolyp shyqty», – dedi Pavlodar VITA izdeýshiler qoǵamynyń jetekshisi Ekaterına Kýdrıaveva.

Al polıııasy departamentiniń baspasóz qyzmeti er adamnyń óli tabylǵanyn rastady.

«Bul fakt boıynsha polıııa aldyn ala tergeý júrgizip jatyr», – dep habarlady vedomstvonyń baspasóz qyzmeti.