«Onyń istegenin aqtaýǵa bolmaıdy»: Aısáýle Baqytbek ákesin keshirmegenin aıtty

Foto: ashyq derekkóz

Baıan Maqsatqyzynyń tuńǵyshy Aısáýle Baqytbek ákesimen qarym-qatynasy týraly aıtyp berdi, dep habarlaıdy Ozgeris.info tilshisi.

Oqyrmandarynyń biri Aısáýle Baqytbekten ákesimen arasy týraly suraǵan.

«Men ákemmen jaı ǵana sýret jarııalaǵan edim. Jurttyń bári: «Ákeńmen sóılesetiniń qandaı jaqsy», «Qandaı jaqsy erkek» degen sııaqty pikirler kóptep jazyldy. Maǵan bul unamaıdy.
Bul durys adamdar úshin qalypty pikir emes. Onyń istegenin aqtaýǵa múldem bolmaıdy. Múmkin emes. Bul sýretti jarııalaǵanym ony túsinemin, istegenin aqtaımyn degendi bildirmeıdi. Olaı emes!
Ákemmen qarym-qatynas men úshin qıyn. Kóp eńbek pen kúsh-jigerdi qajet etedi. Ony ol tipti bilmeýi de múmkin. Men keıbir nárselerdi keshirýge bolmaıtynyna senemin. Biraq men sol kisiniń arqasynda ómir súrip júrgenimdi bilemin. Ákem maǵan kóp jyldar boıy jaqsy áke bola bildi. Iá, adam qorqynyshty áreketter jasasa da balalarymen, nemerelerimen sóılesýge quqyly. О́ıtkeni bul — ómir. Al ómirde bári bolady. Sizder meni, men sizderdi tolyq túsine almaımyn. Biraq kem degende bireýińiz meniń ne aıtqym kelgenin uqtyńyzdar dep oılaımyn», — dep jazdy ol.