«Onyń jasy nebári 16-da bolǵan» — Kókshetaý ákiminiń keńesshisi jelide qyzý talqylanýda

Jarııalaǵan ómirbaıanyna sáıkes, Aıym Turapekova 1999 jyldyń 1 qańtarynda dúnıege kelgen. 2019 jyly Halyqaralyq bıznes ýnıversıtetin «ekonomıka jáne quqyq» mamandyǵy boıynsha aıaqtaǵan.

Jeli qoldanýshylaryn eń qatty tańǵaldyrǵan tus – Aıymnyń eńbek jolyn 2015 jyly premer-mınıstr keńsesinde taǵylymdamadan ótýshi retinde bastaýy. Ol kezde onyń jasy nebári 16-da bolǵan.

Alaıda keıinirek ómirbaıan túzetilip, premer-mınıstr keńsesindegi taǵylymdasynyń bastalý jyly retinde 2015 emes, 2019 jyl kórsetilgen.

Al premer-mınıstrdiń baspasóz qyzmeti Aıym Turapekovanyń premer-mınıstr keńsesinde eshqashan taǵylymdamadan ótpegenin jáne jumys istemegenin habarlady.