الەم جاڭالىقتارى
OpenAI قىزمەتكەرى ۇيىندە ءولى تابىلدى
فوتو: اشىق دەرەككوز
OpenAI زەرتتەۋ ۇيىمىن ChatGPT بويىنشا زاڭدى بۇزدى دەپ ايىپتاعان بۇرىنعى قىزمەتكەر امەريكا قۇراما شتاتتارىندا ءولى تابىلدى, دەپ حابارلايدى qandastar.kz Skifnews.kz سايتىنا سىلتەمە جاساپ.
26 جاستاعى سۋحير ءبالادجيدىڭ ءمايىتى بىرنەشە اپتا بۇرىن سان-فرانتسيسكوداعى پاتەرىنەن تابىلعان. ول OpenAI زەرتتەۋ ۇيىمىنىڭ بۇرىنعى قىزمەتكەرى بولعان.
بالادجي 2024 جىلى كومپانيانى چات-بوت جاساۋ كەزىندە اقش-تىڭ اۆتورلىق قۇقىق تۋرالى زاڭىن بۇزدى دەپ ايىپتاپ, OpenAI قىزمەتىنەن كەتكەن.
قالالىق باس مەديتسينالىق ساراپتاما كەڭسەسىنىڭ اتقارۋشى ديرەكتورى دەۆيد سەررانو سيۋەللدىڭ ايتۋىنشا, سوت-مەديتسينالىق ساراپشىلار بالادجي ءوز-وزىنە قول جۇمسادى دەگەن قورىتىندىعا كەلگەن. OpenAI وكىلى ونىڭ ءولىمىن راستادى.
«بۇگىن بۇل جاڭالىقتى ەستىپ, قاتتى قايعىردىق», – دەدى OpenAI وكىلى.
سۋحەەر بالادجي OpenAI-دە ءتورت جىلعا جۋىق جاساندى ينتەللەكت زەرتتەۋشىسى رەتىندە جۇمىس ىستەگەن. ول ChatGPT ازىرلەۋدە پايدالانىلعان دەرەكتەردىڭ ۇلكەن كولەمىن جيناۋعا جانە ۇيىمداستىرۋعا كومەكتەسكەن. ول كومپانيادان تامىز ايىندا كەتكەن. كۇزدە The New York Times (NYT) گازەتىنە سۇحبات بەرىپ, وندا ول OpenAI-ءتىڭ ChatGPT ازىرلەۋدە باسقا بىرەۋدىڭ اۆتورلىق قۇقىعىن بۇزىپ, قورعالعان زياتكەرلىك مەنشىگىن پايدالانۋى زاڭدى بۇزاتىنىن ايتقان. ەر ادام مۇنداي تەحنولوگيالار قوعامعا پايداسىنان گورى زيانىن كوپ تيگىزەتىنىن جەتكىزگەن.
جاساندى ينتەللەكت كومپانيالارى, سونىڭ ىشىندە OpenAI, سوڭعى ەكى جىلدا باعدارلاماشىلار, سۋرەتشىلەر, رەكوردتىق برەندتەر, كىتاپ اۆتورلارى جانە باق وكىلدەرىمەن سوتتاستى.
تالاپكەرلەردىڭ قاتارىندا امەريكالىق بيزنەسمەن يلون ماسك تا بار. 2024 جىلدىڭ اقپانىندا ول OpenAI-ءدى كەلىسىم-شارت تالاپتارىن بۇزعانىن جەتكىزدى. سونداي-اق ادامزات يگىلىگى ءۇشىن AI تەحنولوگيالارىن جاساۋ بويىنشا باستاپقىدا ايتىلعان ميسسياسىنان باس تارتتى دەپ ايىپتادى. ال ماۋسىم ايىندا ماسك ءوز شاعىمىنان باس تارتتى.
