OpenAI qyzmetkeri úıinde óli tabyldy

Foto: ashyq derekkóz

OpenAI zertteý uıymyn ChatGPT boıynsha zańdy buzdy dep aıyptaǵan burynǵy qyzmetker Amerıka Qurama Shtattarynda óli tabyldy, dep habarlaıdy qandastar.kz Skifnews.kz saıtyna silteme jasap.

26 jastaǵy Sýhır Baladjıdiń máıiti birneshe apta buryn San-Franıskodaǵy páterinen tabylǵan. Ol OpenAI zertteý uıymynyń burynǵy qyzmetkeri bolǵan.

Baladjı 2024 jyly kompanııany chat-bot jasaý kezinde AQSh-tyń avtorlyq quqyq týraly zańyn buzdy dep aıyptap, OpenAI qyzmetinen ketken.

Qalalyq bas medıınalyq saraptama keńsesiniń atqarýshy dırektory Devıd Serrano Sıýelldiń aıtýynsha, sot-medıınalyq sarapshylar Baladjı óz-ózine qol jumsady degen qorytyndyǵa kelgen. OpenAI ókili onyń ólimin rastady.

«Búgin bul jańalyqty estip, qatty qaıǵyrdyq», – dedi OpenAI ókili.

Sýheer Baladjı OpenAI-de tórt jylǵa jýyq jasandy ıntellekt zertteýshisi retinde jumys istegen. Ol ChatGPT ázirleýde paıdalanylǵan derekterdiń úlken kólemin jınaýǵa jáne uıymdastyrýǵa kómektesken. Ol kompanııadan tamyz aıynda ketken. Kúzde The New York Times (NYT) gazetine suhbat berip, onda ol OpenAI-tiń ChatGPT ázirleýde basqa bireýdiń avtorlyq quqyǵyn buzyp, qorǵalǵan zııatkerlik menshigin paıdalanýy zańdy buzatynyn aıtqan. Er adam mundaı tehnologııalar qoǵamǵa paıdasynan góri zııanyn kóp tıgizetinin jetkizgen.

Jasandy ıntellekt kompanııalary, sonyń ishinde OpenAI, sońǵy eki jylda baǵdarlamashylar, sýretshiler, rekordtyq brendter, kitap avtorlary jáne BAQ ókilderimen sottasty.

Talapkerlerdiń qatarynda amerıkalyq bıznesmen Ilon Mask ta bar. 2024 jyldyń aqpanynda ol OpenAI-di kelisim-shart talaptaryn buzǵanyn jetkizdi. Sondaı-aq adamzat ıgiligi úshin AI tehnologııalaryn jasaý boıynsha bastapqyda aıtylǵan mıssııasynan bas tartty dep aıyptady. Al maýsym aıynda Mask óz shaǵymynan bas tartty.