«دالا قىراندارى» ورال قالاسىنىڭ ماڭىنداعى سۋ تاسقىنىنا قارسى ءىس-شارالارعا قاتىستى

16 ءساۋىر – «دالا قىراندارى» جاستار بىرلەستىگى باتىس قازاقستان وبلىسىنىڭ اۋماعىنداعى ەلدىمەكەندەردى تابيعي قۇبىلىستاردىڭ تەرىس اسەرىنەن قورعاۋعا باعىتتالعان سۋ تاسقىنىنا قارسى ءىس-شارالارعا قاتىستى. بۇل جۇمىستاردى جۇرگىزۋگە بىرلەستىككە قر تۋريزم جانە سپورت مينيسترلىگى باستاعان ەلىمىزدىڭ بەلگىلى سپورتشىلارى جانە بقو-نىڭ ءتۇرلى سپورت تۇرلەرىنىڭ وكىلدەرى قوسىلدى.

سپورتشىلاردىڭ وسى اكتسياعا قاتىسۋى ىنتىماقتاستىق, كوماندالىق رۋح جانە باسقالارعا كومەكتەسۋ سياقتى سپورتتىق قۇندىلىقتاردىڭ ماڭىزدىلىعىن كورسەتەدى.

قازىرگى ۋاقىتتا ورال قالاسىنا سەرىك ساپيەۆ, بەيبىت ىستىباەۆ, دانيار ەلەۋسينوۆ, سەرگەي تسىرۋلنيكوۆ, ەربول حاميتوۆ, اسحات دىلمۇحامەدوۆ, الماتى كەبىسپاەۆ, ۆاسيلي تاحتاي, فيرۋزا ءشارىپوۆا جانە ت.ب. تانىمال سپورتشىلاردان قۇرالعان العاشقى ەشەلون زاچاگانسك ەلدىمەكەنىندەگى بوگەتتى نىعايتۋ جۇمىستارىنا ات سالىسۋدا. جەرگىلىكتى تۇرعىندارعا كومەككە 400 ادام جينالدى. ولار مما, گرەك-ريم جانە ەركىن كۇرەس, گرەپپلينگ, فۋتبول, فۋتزال جانە ت.ب ءتۇرلى سپورت تۇرلەرىنىڭ وكىلدەرى.

ەسكە سالساق, «دالا قىراندارى» جقب ناۋرىز ايىندا قوياندى اۋىلىنىڭ تۇرعىندارىنا كومەككە كەلگەن بولاتىن. قىراندار اۋلالاردى ەرىپ ۇلگەرمەگەن قاردان تازارتۋ ارقىلى جەرگىلىكتى تۇرعىنداردىڭ باسپانالارىنا قىزىل سۋدىڭ كىرۋىنە جول بەرمەدى. ال 3 ءساۋىر كۇنى ءبىز استاناداعى گۋمانيتارلىق كومەك جيناۋ نۇكتەسىنە كومەكتەستىك. بۇل جولى قاجەتتى زاتتاردى ساتىپ الۋعا كومەكتەسۋدەن بولەك, ءبىز قايىرىمدى ازاماتتار جىبەرگەن دۇنيەلەردى سول جەردە سۇرىپتاپ, ەلىمىزدىڭ سۋ باسقان اۋداندارىنا ودان ءارى تاسىمالداۋ ءۇشىن كولىكتەرگە تيەدىك. 9 ساۋىردە تايتوبە كەنتى تۇرعىندارىنا كومەك قولىن سوزدىق. ال 10-ىنان 11-ءىنشى ساۋىرگە قاراعان ءتۇنى قوزعالىس قاتىسۋشىلارى جىبەك جولى اۋىلى تۇرعىندارىنىڭ وتىنىشتەرى بويىنشا جەرگىلىكتى بوگەتتى نىعايتۋ جۇمىستارىنا اتسالىستىق.

بايلانىس:

اككرەديتتەۋدەن ءوتۋ جانە كەز كەلگەن قوسىمشا اقپارات الۋ ءۇشىن كەلەسى نومىرگە حابارلاسىڭىز +7 701 111 06 32, +7 705 306 63 66, qyrandary@gmail.com (انەل).

«دالا قىراندارى» تۋرالى:

«دالا قىراندارى» – قازاقستاننىڭ قوعامىن تۇبەگەيلى وزگەرتۋگە دايىن بەلسەندى ءارى ماقساتتى جاستاردىڭ باسىن ءبىر جەرگە توعىستىراتىن جاستار قوعامدىق بىرلەستىگى.

«دالا قىراندارى»جاستار قوعامدىق بىرلەستىگى.