ورال تۇرعىندارىن سۋ تاسقىنىنا بايلانىستى قاۋىپسىز جەرگە كوشىرىپ جاتىر

فوتو: ۆيدەودان سكرين

ورالداعى «مياسوكومبينات» جاعاسى اۋدانىندا تۇراتىن تۇرعىنداردى جايىق وزەنىنەن الىس, قاۋىپسىز جەرگە كوشىرۋ جوسپارلانىن وتىر. قازىر وسى ماسەلەمەن اكىمدىك جانىنان قۇرىلعان كوميسسيا اينالىسىپ جاتىر, دەپ جازدى qandastar.kz

بۇل تۋرالى Stan.kz اقپارات اگەنتتىگى 24.kz ارناسىنا سىلتەمە جاساپ حابارلايدى.

ماماندار جەرگىلىكتى تۇرعىندارمەن ساناسا وتىرىپ, جەر تەلىمدەرىن الىپ قويۋدىڭ ءتيىمدى جولدارىن قاراستىرىپ جاتىر. ورال تۇرعىنى ۆيكتور سۆياگيننىڭ ءۇيىن سۋ باسىپ قالۋى مۇمكىن. بىلتىر تاسقىن كەزىندە جايىق وزەنىنىڭ سۋى ونىڭ ۋچاسكەسىنە 8 مەترگە دەيىن جاقىن كەلگەن. كوكتەمگى سۋ تاسقىنى كەزىندە وزەن ارناسى باعىتىن وزگەرتكەن.

“ەكى جىلدىڭ ىشىندە, شامامەن سەگىز مەتر كەتتى. وتكەن جىلى مۇز كوپ بولعان كەزدە, وزەن انا جاققا, ورمانعا قاراي جەتتى, تالاي اعاشتى قۇلاتىپ كەتتى. ەگەر ايەلىمنىڭ سوزىنە سەنسەك, انا جەردە, ۇلكەن اعاشتار تۇرعان تۇستا, جاڭا عانا قۇس ۇشىپ وتكەن جەردى كوردىڭىز بە, سول جەردە بۇرىن جايىقتىڭ جاعاسى بولعان. قازىر شامامەن 200 مەترگە جىلجىپ كەتكەن”, – دەيدى ۆيكتور سۆياگين.

10 جەر تەلىمى, ونىڭ ىشىندە التى تۇرعىن ءۇي قاۋىپتى ايماقتا تۇر. جاعدايدى ارنايى قۇرىلعان اكىمدىك جانىنداعى كوميسسيانىڭ ماماندارى باعالاپ جاتىر. ساراپشىلار ماسەلەنى شەشۋدىڭ وڭتايلى جولدارىن قاراستىرىپ جاتىر. جاڭا ۇيلەر قاۋىپسىز ايماقتان, جاعالاۋدان الىس جەردەن بەرىلەدى.

ء“بىز تۇرعىن ءۇي قاتىناستارى تۋرالى زاڭعا سايكەس جۇمىس ىستەيمىز. حالىقپەن ءتۇسىندىرۋ جۇمىستارىن جۇرگىزىپ جاتىرمىز. ەگەر م ۇلىك تاركىلەنەتىن بولسا, ازاماتتار جايلى كوپقاباتتى ۇيلەردەن ءدال سول باعادا باسپانا الا الاتىنىن ءتۇسىندىرىپ جاتىرمىز”, – دەيدى ورال قالالىق تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ باسشىسى ابىلاي نۇرماقوۆ.

ەگەر تۇرعىن پاتەردەن باس تارتسا, الىنعان م ۇلىك ءۇشىن قارجىلاي وتەماقى بەرىلەدى. جەر تەلىمدەرى مەن ۇيلەر نارىقتاعى قۇنى بويىنشا باعالانادى.