Oral turǵyndaryn sý tasqynyna baılanysty qaýipsiz jerge kóshirip jatyr

Foto: Vıdeodan skrın

Oraldaǵy «Mıasokombınat» jaǵasy aýdanynda turatyn turǵyndardy Jaıyq ózeninen alys, qaýipsiz jerge kóshirý josparlanyn otyr. Qazir osy máselemen ákimdik janynan qurylǵan komıssııa aınalysyp jatyr, dep jazdy qandastar.kz

Bul týraly Stan.kz aqparat agenttigi 24.kz arnasyna silteme jasap habarlaıdy.

Mamandar jergilikti turǵyndarmen sanasa otyryp, jer telimderin alyp qoıýdyń tıimdi joldaryn qarastyryp jatyr. Oral turǵyny Vıktor Svıagınniń úıin sý basyp qalýy múmkin. Byltyr tasqyn kezinde Jaıyq ózeniniń sýy onyń ýchaskesine 8 metrge deıin jaqyn kelgen. Kóktemgi sý tasqyny kezinde ózen arnasy baǵytyn ózgertken.

“Eki jyldyń ishinde, shamamen segiz metr ketti. О́tken jyly muz kóp bolǵan kezde, ózen ana jaqqa, ormanǵa qaraı jetti, talaı aǵashty qulatyp ketti. Eger áıelimniń sózine sensek, ana jerde, úlken aǵashtar turǵan tusta, jańa ǵana qus ushyp ótken jerdi kórdińiz be, sol jerde buryn Jaıyqtyń jaǵasy bolǵan. Qazir shamamen 200 metrge jyljyp ketken”, – deıdi Vıktor Svıagın.

10 jer telimi, onyń ishinde alty turǵyn úı qaýipti aımaqta tur. Jaǵdaıdy arnaıy qurylǵan ákimdik janyndaǵy komıssııanyń mamandary baǵalap jatyr. Sarapshylar máseleni sheshýdiń ońtaıly joldaryn qarastyryp jatyr. Jańa úıler qaýipsiz aımaqtan, jaǵalaýdan alys jerden beriledi.

“Biz turǵyn úı qatynastary týraly zańǵa sáıkes jumys isteımiz. Halyqpen túsindirý jumystaryn júrgizip jatyrmyz. Eger múlik tárkilenetin bolsa, azamattar jaıly kópqabatty úılerden dál sol baǵada baspana ala alatynyn túsindirip jatyrmyz”, – deıdi Oral qalalyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy Abylaı Nurmaqov.

Eger turǵyn páterden bas tartsa, alynǵan múlik úshin qarjylaı ótemaqy beriledi. Jer telimderi men úıler naryqtaǵy quny boıynsha baǵalanady.