Oralbaı Ábdikárimov: Qandastardyń qujat jumysyn ýaqtyly oryndamaǵandardy jaýapqa tartý kerek

Memleket jáne qoǵam qaıratkeri Oralbaı Ábdikárimov «Sheteldegi otandastardy memlekettik qoldaý týraly» Qazaqstan Respýblıkasynyń zań jobasyna qatysty óz usynysyn bildirdi, dep habarlaıdy QazAqparat tilshisi.

«Qandastarǵa qatysty qujat jumystaryn ýaqtyly oryndamaǵan memlekettik organnyń qyzmetkerleri tıisti jaýapkershilikti kóterý kerek. Iaǵnı, naqty shara qabyldamasaq, bul jaǵdaı sozyla beredi. Úsh, tórt, bes jyl boıy azamattyq ala almaı júrgen qandastardyń baryn bilemiz. Mine, ýaqyt sozbaý úshin tıisti mindetin durys atqarmaǵan jaýapty qyzmetkerlerdi jumystan bosatýǵa deıingi sharany Ákimshilik quqyqbuzýshylyq jónindegi kodekske engizý kerek. Sonda ǵana máseleni retteýge bolady dep oılaımyn. «Sheteldegi otandastardy memlekettik qoldaý týraly» Qazaqstan Respýblıkasynyń zań jobasyn ázirlegende osy máselege nazar aýdarylsa deımin», — dedi Oralbaı Ábdikárimov elordadaǵy «Otandastar qory» kommerııalyq emes akıonerlik qoǵamy janyndaǵy Qoǵamdyq komıssııasynyń otyrysynda.

Aıta ketsek, búgin «Otandastar qory» kommerııalyq emes akıonerlik qoǵamy janyndaǵy Qoǵamdyq komıssııasy «Sheteldegi otandastardy memlekettik qoldaý týraly» Qazaqstan Respýblıkasy Zań jobasyn talqylady. Jıyn barysynda «Otandastar qory» sheteldegi qandastarǵa Qazaq kartasyn Qazaqstannyń basqa memleketterdegi elshilikteri arqyly berýdi usyndy.