Oralda «JasQZ» jobasy qorytyndylandy

Batys Qazaqstan oblysynda Qazaqstan jastaryn áleýmettendirýge baǵyttalǵan «JasQZ» jobasy qorytyndylandy. Jobany «Azamattyq bastamalardy qoldaý ortalyǵy» men Qazaqstan Respýblıkasy Qoǵamdyq damý mınıstrliginiń qoldaýymen «Adyrna» ulttyq-etnografııalyq birlestigi júzege asyrdy.

– Batys Qazaqstan oblysynyń 12 aýdany men Oral qalasyn túgel qamtyǵan bul pılottyq joba elimiz boıynsha tuńǵysh ret ótkizilip otyr, – deıdi «Adyrna» ulttyq-etnografııalyq birlestiginiń tóraǵasy Arman Áýbákir. Uıymdastyrýshylardyń aıtýynsha, jastardy áleýmettendirýge, ıaǵnı qoǵamdyq ómirdiń túrli salasyna beıimdendirýge, qabilet qyryn ashýǵa baǵyttalǵan jobanyń daıyndyq jumystary qyrkúıek aıynda bastalǵan eken. О́tken úsh aıǵa jýyq ýaqyt ishinde jobaǵa qatysýshylar sany altyń myń adamǵa jýyq. Qazan aıynda joba jetekshileri Batys Qazaqstan oblysynyń búkil aýdanyn aralap, muǵalimderge semınar ótkizip, sertıfıkat berilgen. «JasQZ» jobasy aıasynda uıymdastyrylǵan «Meniń tańdaýym» baıqaýy 6 baǵyttan turdy. Oǵan Batys Qazaqstan oblysynyń 9-11 synyp oqýshylary men joǵary oqý orny stýdentteri qatysyp, ózara básekege tústi. Mektep oqýshylary men stýdentter «Ulttyq qundylyq», «Áskerı-patrıottyq», «Áleýmettik belsendilik», «Zııatkerlik», «Shyǵarmashylyq», «Sporttyq» baǵyttary boıynsha jarysyp, júzden júırik shyqqandar qorytyndy saıysta baq synaý úshin Oral qalasyna jınaldy. Tartysty ótken fınaldyq saıysta «Ulttyq qundylyq» baǵyty boıynsha úzdikter salt-dástúr boıynsha biliktiligin synady. Jeńimpaz aýyzsha suraqtarǵa jaýap berý arqyly anyqtaldy. Qazylar sheshimimen «Jas etnograf» atalymy Aqjaıyq aýdany, Esensaı mektebiniń oqýshysy Gúlnaz Ǵadyljanovaǵa jáne Jahansha Dosmuhamedov atyndaǵy pedagogıkalyq kolledj stýdenti Bıbinur Sháripovaǵa buıyrdy. «Áskerı-patrıottyq» baǵyt boıynsha úzdikter «Memlekettiń qorǵanys qabileti qaıtse bekem bolady?» degen taqyrypta esse jazyp jarysty. Qazylar áskerı-patrıottyq «Jas ulan» atalymyna Oral qalasyndaǵy №36 mektep oqýshysy Dılnaz Mahýtova men Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń stýdenti Raıymjan Sansyzbaevty laıyq dep tapty. «Zııatkerlik» baǵyt boıynsha úzdikter matematıka páni boıynsha synaqtan ótti. Belgili matematık Eldos Safýllın bastaǵan qazylar sheshimimen Oral qalasynyń №43 mektep oqýshysy Sanjar Jumaseıitov jáne M.О́temisov atyndaǵy Batys Qazaqstan memlekettik ýnıversıtetiniń stýdenti Sanjar Latıfov eń úzdik atandy. «Shyǵarmashylyq» baǵyt boıynsha úzdikter ulttyq aspaptarda óner kórsetý arqyly anyqtaldy. Bul saıyysta «Úzdik ónerpaz» atalymyn Oral qalasyndaǵy №46 mektep oqýshysy Mádına Qadyrǵalıeva men Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń stýdenti Altyn Jumaǵalıeva jeńip aldy. «Áleýmettik belsendilik» baǵyty boıynsha úzdikter qoǵamnyń damýyna tegin eńbek etkenin dáleldeıtin qujattaryn (dıplom, alǵys hat, foto-vıdeo aıǵaqtar j.t.b.) usyný arqyly anyqtaldy. Osylaısha qazylar «Úzdik erikti» atalymymen Aqjaıyq aýdany, Bitik mektep-balabaqsha kesheniniń oqýshysy Gúlaınaz Sársenǵazıevany jáne Oral munaı, gaz jáne salalyq tehnologııalar kolledjiniń stýdenti Argen Ǵubashevti marapattady. «Sporttyq» baǵyt boıynsha úzdikter qashyqtyqqa júgirý, kermege (týrnık) tartylý jarystary arqyly anyqtaldy. Qazylar sheshimimen Oral qalasynyń №6 mektep oqýshysy Nurjan О́tepqalıev pen Batys Qazaqstan gýmanıtarlyq akademııasynyń stýdenti Nurlyhan Bekejan «Úzdik sportshy» atalymymen marapattaldy. «JasQZ» jobasy aıasynda uıymdastyrylǵan «Meniń tańdaýym» baıqaýynyń jeńimpazdaryn belgili qoǵam qaıratkerleri Ámirjan Qosanov pen Rasýl Jumaly tabystady. Saltanatty shara barysynda osy sharanyń júzege asyrýǵa belsendi at salysqan maman, qyzmetkerler de marapataldy. «JasQZ» jobasynyń qorytyndy sharasyna «Azamattyq bastamalardy qoldaý ortalyǵy» basqarma tóraǵasynyń orynbasary Gúlnár Oralova arnaıy kelip qatysyp, quttyqtaý sóz sóıledi. Gúlnár Álimjanqyzy óz sózinde baıqaýdyń joǵary dárejede uıymdastyrylǵanyn, batysqazaqstandyq jastardyń oǵan belsene qatysqanyn atap ótti. Aıta ketý kerek, «Adyrna» ulttyq-etnografııalyq birlestigi «JasQZ» jobasy aıasynda Batys Qazaqstan oblysy Syrym aýdanyndaǵy Alash mýzeıi men Alash alleıasynda jergilikti oqýshylarmen ekspedıııa uıymdastyrdy. Mýzeıde balalar Alash arystarynyń shyǵarmalaryn jatqa oqyp, óz ónerin ortaǵa saldy. – Júregi qazaq dep soǵatyn jalyndy jastardyń ósip kele jatqany bizdi óte qatty qýantady. Biz Oral qalalyq mektep oqýshylary úshin «Atameken» oıyn-saýyq ortalyǵynda, «Saıat» etno-týrıstik ortalyǵynda ekskýrsııalar uıymdastyrdyq. Ol jerde qalanyń úzdik shyqqan jastaryn saltanatty túrde marapattap, olardyń arasynda da arqan tartý, asyq oınaý, qol kúrestirý tárizdi ulttyq oıyndardan jarys ótti. Jeńimpazdar qolónershiler jasaǵan ulttyq buıymdardy syıǵa alyp, atqa minip, erekshe qýandy, – deıdi osy jobany uıymdastyrýshylardyń biri Nurlan Sádir. Úsh aıǵa sozylǵan jobanyń úzdik shyqqan jeńimpazdaryna arnaıy tiktirilgen kúrteshe, kýálik, tósbelgiler taratyldy. Mádenıettanýshy, belgili etnograf Berdaly Ospannyń «Qazaq salttarynyń injý-marjandary» atty kitaby da syıǵa tartyldy. – «JasQZ» – jastar boıyndaǵy jaqsy qabiletterdi ashyp, patrıottyq sezimdi oıatatyn, bos ýaqytty tıimdi paıdalanýǵa baǵyttaıtyn, olardy tulǵa retinde qalyptastyratyn óte qajetti áleýmettik joba. Mundaı saıystar eldik múdde turǵysynan odan ári jalǵasyn tabýy kerek dep esepteımiz, – deıdi joba jetekshisi, «Adyrna» ulttyq-etnografııalyq birlestiginiń tóraǵasy Arman Áýbákir. Qazbek QUTTYMURATULY, «Egemen Qazaqstan»

Tolyq silteme: https://egemen.kz/article/178434-oralda-jasqz-zhobasy-qorytyndylandy