جاڭالىقتار
ورالدا پوليتسەي ادامدى قاعىپ ءولتىردى
فوتو: اشىق دەرەككوز
باتىس قازاقستان وبلىسىندا پوليتسيا قىزمەتكەرى اۆتوكولىگىمەن ەر ادامدى قاعىپ ءولتىردى, دەپ حابارلايدى qandastar.kz
بقو پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەنىندەي, وقيعا ورال قالاسىنا قاراستى مەلوۆىە گوركي اۋدانىندا بولدى.
الدىن الا مالىمەت بويىنشا جول-كولىك وقيعاسى جولدىڭ جارىقتاندىرىلماعان بولىگىندە بولعان. قارسى كەلە جاتقان اۆتوكولىكتىڭ جارىعى جۇرگىزۋشىنىڭ كوزىن قارىقتىرىپ جىبەرگەن.
– اۆتوكولىك رۋلىندە پوليتسيا قىزمەتكەرى بولدى. مەديتسينالىق كۋالاندىرۋ ونىڭ ىشىمدىك ىشپەگەنىن كورسەتتى. پوليتسيا قىزمەتكەرى ىشكى ىستەر ورگانىنان قۋىلدى. قىزمەتتىك تەكسەرۋ جۇرگىزىلۋدە. قر قك 345-بابى 3-بولىگىنە سايكەس قىلمىستىق ءىس قوزعالدى. باسقا اقپارات قر قىلمىستىق ءىس جۇرگىزۋ كودەكسىنىڭ 201-بابىنا سايكەس جاريالاۋعا جاتپايدى, – دەپ حابارلادى ۆەدومستۆودان.
