ورالدا پوليتسەي ايەل ادامدى كولىكپەن قاعىپ ءولتىردى

فوتو: Azattyq Rýhy/اسەت قۇنداقباەۆ

قايعىلى وقيعا 19 قىركۇيەكتە تاڭعى 6:15 شاماسىندا پۋگاچەۆ كوشەسىندە بولعان, دەپ حابارلايدى  Azattyq Rýhy موي گورود سايتىنا سىلتەمە جاساپ.

بقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە, ۆاز-21703 كولىگىنىڭ جۇرگىزۋشىسى جولدى رۇقسات ەتىلمەگەن جەردەن كەسىپ وتكەن ايەلدى قاعىپ كەتكەن.

جابىرلەنۋشى العان جاراقاتتارىنان اۋرۋحانادا قايتىس بولدى.

جول-كولىك وقيعاسى بويىنشا قۇقىق قورعاۋ ورگاندارى سوتقا دەيىنگى تەرگەۋ جۇرگىزۋدە. كولىك ارنايى تۇراققا قويىلىپ, جۇرگىزۋشى ۋاقىتشا ۇستاۋ يزولياتورىنا قامالدى.

ايتا كەتۋ كەرەك, كولىك تىزگىنىندە پوليتسيا قىزمەتكەرى بولعان. وقيعادان كەيىن پوليتسەي ىشكى ىستەر ورگاندارىنان جۇمىستان شىعارىلدى.