جاڭالىقتار
ورالدا پوليتسيا قىزمەتكەرىن پىشاقتاپ كەتتى
فوتو: Pixabay
ورال قالاسىندا قاسكوي پىشاق سىلتەپ, 43 جاستاعى پوليتسيا قىزمەتكەرىن جاراقاتتادى. سوتقا دەيىنگى تەرگەۋ شارالارى قولعا الىندى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
بقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە, دەنساۋلىققا قاساقانا اۋىر زيان كەلتىرۋ فاكتىسى بويىنشا سوتقا دەيىنگى تەرگەۋ باستالدى.
ء«تارتىپ ساقشىلارى كۇدىكتىنى انىقتاپ, ۇستادى. سوت وعان قاتىستى ءۇي قاماققا الۋ تۇرىندەگى بۇلتارتپاۋ شاراسىن سانكتسيالادى», دەپ اتاپ ءوتتى ايماقتىق پد.
پوليتسيا دەپارتامەنتى پوليتسيا قىزمەتكەرىنىڭ كەزەكتى ەڭبەك دەمالىسىندا بولعانىن ايتادى.
بۇعان دەيىن سەمەيدە 2024 جىلى 18 قازاندا ومبى – مايقاپشاعاي تاس جولىندا ءۇش كولىكتىڭ قاتىسۋىمەن جول اپاتى بولعانى, سونىڭ سالدارىنان ءۇش ازامات, ونىڭ ىشىندە سەمەي قالاسىنىڭ پوليتسيا اعا سەرجانتى اسحات احاتوۆتىڭ قازا تاپقانى حابارلانعان.
