جاڭالىقتار
ورالدا شەنەۋنىك ايەلىنە قىزمەتتىك پاتەردى سىيعا تارتقان
فوتو: krisha.kz
ورالدا اكىمدىكتەگى قىزمەتكەرى ايەلىنە قىزمەتتىك پاتەردى سىيعا تارتقان, دەپ حابارلايدى Skifnews.kz اقپارات پورتالى.
باتىس قازاقستان وبلىسىنىڭ مالىمدەۋىنشە, ورال قالاسى اكىمى اپپاراتىنىڭ بىرىڭعاي مەملەكەتتىك-قۇقىقتىق ءبولىمىنىڭ باسشىسى قىزمەتىن اتقاراتىن مىڭجاساروۆ ا-نىڭ قىزمەتتىك جاعدايىن پايدالانىپ, پاتەردى وزىمەن نەكەگە تۇرعان ا.قاراساەۆاعا بەرگەنىن كورسەتەتىن فاكتىلەر انىقتالدى.
اكىمدىك زاڭ بۇزۋشىلىقتى 28 ماۋسىمدا انىقتاعان. تەكسەرۋ قورىتىندىسى لاۋازىمدى تۇلعانىڭ ارەكەتىنە ءتيىستى قۇقىقتىق باعا بەرۋ ءۇشىن ورال قالاسىنىڭ پروكۋراتۋراسىنا جولداندى.
«وسىنداي فاكتىلەردى انىقتاۋ جانە الدىن الۋ ءۇشىن ورال قالاسى اكىمدىگىنىڭ مەملەكەتتىك تۇرعىن ءۇي قورىنان تۇرعىن ءۇي بەرۋ زاڭدىلىعىن تەكسەرۋ ءۇشىن جۇمىس توبى قۇرىلدى», – دەلىنگەن حابارلامادا.
زاڭعا سايكەس, مۇددەلەر قايشىلىعى تۋىنداعان جاعدايدا جاۋاپتى مەملەكەتتىك لاۋازىمدى اتقاراتىن ادامدارعا, مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدارعا, مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدارعا تەڭەستىرىلگەن تۇلعالارعا, لاۋازىمدى تۇلعالارعا قىزمەتتىك مىندەتتەردى ورىنداۋعا تىيىم سالىنادى.
