Oralda sheneýnik áıeline qyzmettik páterdi syıǵa tartqan

Foto: krisha.kz

Oralda ákimdiktegi qyzmetkeri áıeline qyzmettik páterdi syıǵa tartqan, dep habarlaıdy Skifnews.kz aqparat portaly.

Batys Qazaqstan oblysynyń málimdeýinshe, Oral qalasy ákimi apparatynyń biryńǵaı memlekettik-quqyqtyq bóliminiń basshysy qyzmetin atqaratyn Myńjasarov A-nyń qyzmettik jaǵdaıyn paıdalanyp, páterdi ózimen nekege turǵan A.Qarasaevaǵa bergenin kórsetetin faktiler anyqtaldy.

Ákimdik zań buzýshylyqty 28 maýsymda anyqtaǵan. Tekserý qorytyndysy laýazymdy tulǵanyń áreketine tıisti quqyqtyq baǵa berý úshin Oral qalasynyń prokýratýrasyna joldandy.

«Osyndaı faktilerdi anyqtaý jáne aldyn alý úshin Oral qalasy ákimdiginiń memlekettik turǵyn úı qorynan turǵyn úı berý zańdylyǵyn tekserý úshin jumys toby quryldy», – delingen habarlamada.

Zańǵa sáıkes, múddeler qaıshylyǵy týyndaǵan jaǵdaıda jaýapty memlekettik laýazymdy atqaratyn adamdarǵa, memlekettik fýnkııalardy oryndaýǵa ýákilettik berilgen adamdarǵa, memlekettik fýnkııalardy oryndaýǵa ýákilettik berilgen adamdarǵa teńestirilgen tulǵalarǵa, laýazymdy tulǵalarǵa qyzmettik mindetterdi oryndaýǵa tyıym salynady.