جاڭالىقتار
ورالدا ءۇش پريتوننىڭ ارەكەتى اشكەرەلەندى
فوتو: بقو پوليتسيا دەپارتامەنتى
ورال قالاسىندا جەدەل ىزدەستىرۋ ءىس-شارالارى بارىسىندا جەزوكشەلىكپەن اينالىسۋ ءۇشىن پريتون ۇستاعانداردىڭ قىلمىستىق ارەكەتى بەلگىلى بولدى, دەپ حابارلايدى Qandastar.kz اقپاراتتىق پورتالى.
بقو پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەنىندەي, 51 جاستاعى ايەل 2024 جىلدىڭ ناۋرىزىنان بيىلعى مامىرعا دەيىن قالاداعى ساۋنالاردىڭ ءبىرىنىڭ اۋماعىندا اقشالاي سىياقىعا ينتيمدىك قىزمەت كورسەتۋ ءۇشىن ارنايى ورىن ۇستاعان. اتالعان دەرەك بويىنشا قىلمىستىق ءىس قوزعالىپ, كۇدىكتى ۋاقىتشا ۇستاۋ يزولياتورىنا قامالدى.
– بۇدان بولەك, وسى مەرزىمدە ەكى ايەل ادامدار توبىمەن الدىن الا ءسوز بايلاسىپ, جەزوكشەلىكپەن اينالىسۋ ءۇشىن پريتون ۇيىمداستىرعان. قىلمىستىق ءىس قوزعالىپ, كۇدىكتىنىڭ ءبىرى ۋاقىتشا ۇستاۋ يزولياتورىنا توعىتىلدى. سونداي-اق الدىن الا ءسوز بايلاسىپ, پريتون ۇيىمداستىردى دەگەن كۇدىكپەن تاعى التى ايەلگە قاتىستى قىلمىستىق ءىس قوزعالدى. بۇل دەرەك بويىنشا اباي پوليتسيا ءبولىمى تەرگەۋ امالدارىن جۇرگىزۋدە. اتالعان قىلمىسقا قاتىسى بار ادامداردىڭ ءبارى قر زاڭىنا سايكەس جاۋاپقا تارتىلادى, — دەپ حابارلادى ۆەدومستۆودان.
