ورالدا جالعان جيھاز جاساۋشى باس بوستاندىعىنان ايىرىلدى

فوتو: اشىق دەرەككوز

كليەنتتەردىڭ سەنىمىن پايدالانىپ, جيھاز ءۇشىن الدىن الا تولەم الىپ, بىراق ءوز مىندەتتەمەلەرىن ورىنداماي جۇرگەن جالعان جەر يەلەرىنىڭ الاياقتىق فاكتىلەرى جيىلەپ كەتتى, دەپ حابارلادى Qandastar.kz.

باس پروكۋراتۋرانىڭ مالىمەتىنشە, جابىرلەنۋشىلەر تاپسىرىس بەرگەننەن كەيىن الاياقتاردان تاۋار دا, جاۋاپ تا المايتىندارىن ايتادى. ماسەلەن, ورال قالاسىنىڭ تۇرعىنى جەكە كاسىپكەردى اشىپ, جيھاز شىعارۋ ءۇشىن تسەح عيماراتىن جالعا الىپ, ءسويتىپ قىلمىستىق ارەكەتتەرىن جاسىرعان.

– الەۋمەتتىك جەلىلەردە, سونداي-اق ءارتۇرلى ينتەرنەت-جارناما پلاتفورمالارىندا جيھاز جاساۋدى ۇسىناتىن اقپاراتتى ورنالاستىرعان. كاسىپكەرلىك قىزمەتتىڭ كورىنىسىن جاساي وتىرىپ, ول تۇتىنۋشىلاردىڭ ۇيىنە كەلىپ, قاجەتتى ولشەمدەردى جاساپ, كەيىننەن ازاماتتارعا تاپسىرىستىڭ ورىندالۋى تۋرالى سەندىرگەن. تاپسىرىستى ورىنداۋ ءۇشىن جالعان جيھاز جاساۋشى ازاماتتارعا جيھازدىڭ قوسالقى زاتتارىنىڭ فوتوسۋرەتتەرىن جىبەرگەن, سونىمەن قاتار ماتەريالدى ساتىپ الۋ ءۇشىن ءۇشىنشى تۇلعالارمەن كەلىسىمدەر بار دەپ سەندىرگەن, وسىلايشا جابىرلەنۋشىلەردى الداعان, – دەلىنگەن حابارلامادا.

ناتيجەسىندە 7 جابىرلەنۋشىگە 8 633 000 تەڭگە كولەمىندە ماتەريالدىق شىعىن كەلتىرىلگەن.

سوتتا سوتتالۋشى جابىرلەنۋشىلەرمەن ازاماتتىق-قۇقىقتىق قارىم-قاتىناستىڭ بار ەكەنىن العا تارتىپ, كىناسىن مويىندامادى. الايدا مەملەكەتتىك ايىپتاۋشى سوتتالۋشىنىڭ كىناسىن تولىق دالەلدەدى. كىنالى تۇلعا ەكى نەمەسە ودان دا كوپ ادامعا قاتىستى ءىرى كولەمدە جاسالعان الاياقتىق ءۇشىن 3 جىل جانە 6 ايعا باس بوستاندىعىنان ايىرىلدى.

باتىس قازاقستان وبلىسىنىڭ پروكۋراتۋراسى تۇرعىنداردى قىراعى بولۋعا, تاڭدالعان ءوندىرۋشىنىڭ قىزمەتىنىڭ سەنىمدىلىگىنە كوز جەتكىزۋگە جانە ساتىپ الۋدان بۇرىن كومپانيا تۋرالى پىكىرلەردىتەكسەرۋگە شاقىرادى.