جاڭالىقتار
ورالداعى سپورت مەكتەبىندە 5 جاسار بالا مۇگەدەك بولىپ قالدى
ورال قالاسىنداعى سپورت مەكتەبىندە 5 جاسار بالا كوز جانارىنان ايىرىلىپ, مۇگەدەك بولىپ قالدى, دەپ حابارلايدى Qandastar.kz سايتى Skifnews.kz اقپارات پورتالىنا سىلتەمە جاساپ.
اۋىر جاراقات العان ەرسۇلتان ەسىمدى ءبۇلدىرشىن بۇگىندە رەسمي تۇردە مۇمكىندىگى شەكتەۋلى بالا رەتىندە تىركەلگەن.
وقيعا ورالداعى “Arashi MMA” سپورت مەكتەبىندە بولعان. بالانىڭ اناسىنىڭ ايتۋىنشا, جاتتىعۋ بارىسىندا ەرەسەك سپورتشىلاردىڭ ءبىرى اۋىر تەمىر جابدىقتى يتەرىپ جىبەرىپ, سونىڭ سالدارىنان ەرسۇلتاننىڭ كوزىنە قاتتى زاقىم كەلگەن.
جابىرلەنۋشىنىڭ اناسى بۇل جاعدايعا بايلانىستى پوليتسياعا ارىز جازعانىمەن, ءىس توقتاتىلعان. وسىعان بايلانىستى ول نارازىلىعىن ءبىلدىرىپ, قر باس پروكۋراتۋراسى مەن ىشكى ىستەر مينيسترلىگىنەن ءىستى قايتا قاراۋدى تالاپ ەتۋدە.
اتالعان شاعىم الەۋمەتتىك جەلىدە كەڭىنەن تارالىپ, قوعام اراسىندا قىزۋ پىكىرتالاس تۋدىردى.
