Oraldaǵy sport mektebinde 5 jasar bala múgedek bolyp qaldy

Oral qalasyndaǵy sport mektebinde 5 jasar bala kóz janarynan aıyrylyp, múgedek bolyp qaldy, dep habarlaıdy Qandastar.kz saıty Skifnews.kz aqparat portalyna silteme jasap.

Aýyr jaraqat alǵan Ersultan esimdi búldirshin búginde resmı túrde múmkindigi shekteýli bala retinde tirkelgen.

Oqıǵa Oraldaǵy “Arashi MMA” sport mektebinde bolǵan. Balanyń anasynyń aıtýynsha, jattyǵý barysynda eresek sportshylardyń biri aýyr temir jabdyqty ıterip jiberip, sonyń saldarynan Ersultannyń kózine qatty zaqym kelgen.

Jábirlenýshiniń anasy bul jaǵdaıǵa baılanysty polıııaǵa aryz jazǵanymen, is toqtatylǵan. Osyǵan baılanysty ol narazylyǵyn bildirip, QR Bas prokýratýrasy men Ishki ister mınıstrliginen isti qaıta qaraýdy talap etýde.

Atalǵan shaǵym áleýmettik jelide keńinen taralyp, qoǵam arasynda qyzý pikirtalas týdyrdy.