جاڭالىقتار
ورالدىق قىزدار توناۋ جانە بوپسالاۋ دەرەگى بويىنشا كۇدىككە ءىلىندى
فوتو: اشىق دەرەككوز
ورال قالاسىنىڭ ەكى تۇرعىنى بىرنەشە قىلمىس جاسادى دەگەن كۇدىكپەن ۇستالدى. تەرگەۋ دەرەكتەرىنە سايكەس, بىلتىر قازان ايىندا كۇدىكتىلەر كوللەدج ستۋدەنتىن ءوز شوتىنان 40 مىڭ تەڭگەنى اۋدارۋعا ماجبۇرلەگەن, دەپ جازدى qandastar.kz
سونىمەن قاتار تەرگەۋ بارىسىندا ۇستالعانداردىڭ ءبىرىنىڭ باسقا دا قىلمىستارعا قاتىسى بار ەكەنى انىقتالدى. ول مەكتەپ وقۋشىسىنان اقشا بوپسالاپ, كوللەدج ستۋدەنتىنىڭ قاراجاتىن يەمدەنىپ, سونداي-اق باسقا ستۋدەنتتىڭ ۇيالى تەلەفونىن ۇرلاپ, ونى لومباردقا وتكىزگەن.
اتالعان دەرەكتەر بويىنشا قىلمىستىق ءىس قوزعالدى. كۇدىكتىلەر ۋاقىتشا ۇستاۋ يزولياتورىنا قامالدى.
«قىلمىستىق كودەكسكە سايكەس توناۋ جانە بوپسالاۋ ارەكەتتەرى ءۇشىن اۋىرلىعىنا بايلانىستى 15 جىلعا دەيىن باس بوستاندىعىنان ايىرۋ جازاسى قاراستىرىلعان», — دەلىنگەن پوليتسيانىڭ تاراتقان حابارلاماسىندا.
