Oraldyq qyzdar tonaý jáne bopsalaý deregi boıynsha kúdikke ilindi

Foto: ashyq derekkóz

Oral qalasynyń eki turǵyny birneshe qylmys jasady degen kúdikpen ustaldy. Tergeý derekterine sáıkes, byltyr qazan aıynda kúdiktiler kolledj stýdentin óz shotynan 40 myń teńgeni aýdarýǵa májbúrlegen, dep jazdy qandastar.kz

Sonymen qatar tergeý barysynda ustalǵandardyń biriniń basqa da qylmystarǵa qatysy bar ekeni anyqtaldy. Ol mektep oqýshysynan aqsha bopsalap, kolledj stýdentiniń qarajatyn ıemdenip, sondaı-aq basqa stýdenttiń uıaly telefonyn urlap, ony lombardqa ótkizgen.

Atalǵan derekter boıynsha qylmystyq is qozǵaldy. Kúdiktiler ýaqytsha ustaý ızolıatoryna qamaldy.

«Qylmystyq kodekske sáıkes tonaý jáne bopsalaý áreketteri úshin aýyrlyǵyna baılanysty 15 jylǵa deıin bas bostandyǵynan aıyrý jazasy qarastyrylǵan», — delingen polıııanyń taratqan habarlamasynda.