ورالدىق شەنەۋنىك جەمقورلىق ءۇشىن سوتتالدى

ورال قالالىق سوتىندا ورال قالالىق ساۋلەت ءبولىمىنىڭ باسشىسى 33 جاستاعى مۇراتبەك تاشەنباەۆقا قاتىستى سوت پروتسەسى اياقتالدى, دەپ جازدى qandastar.kz

شەنەۋنىككە پارا الدى جانە قىزمەت بابىن اسىرا پايدالاندى دەگەن ايىپ تاعىلدى. ونىمەن بىرگە 27 جاستاعى نۇرسۇلتان عاتاۋ دا كۇدىكتىلەر قاتارىندا. ول — ءبولىمنىڭ باس مامانى. قىلمىستىق ءىس بويىنشا ءۇشىنشى ايىپتالۋشى 41 جاستاعى اسىلجان كوپباەۆ پارا بەردى دەپ ايىپتالدى.

ولاردىڭ قىلمىستىق ارەكەتتەرى سالدارىنان مەملەكەتكە 92 ميلليون تەڭگەگە جۋىق سوماعا اسا ءىرى كولەمدە زيان كەلتىرىلگەن.

سوت ۇكىمىمەن مۇراتبەك تاشەنباەۆ وزىنە تاعىلعان ايىپتار بويىنشا كىنالى دەپ تانىلدى. ول 7 جىلعا باس بوستاندىعىنان ايىرىلدى.