ورالمان كۋالىكتەرىن ۇزارتۋ تۋرالى اقپارات

ەل باسىنىڭ (2019 جىلى 16 ناۋرىزداعى № 20-137ق-8) تاپسىرماسىنا
سايكەس, الماتى قالاسى الەۋمەتتىك ءال-اۋقات باسقارماسى (بۇدان ءارى-
باسقارما) كوشى-قون جۇيەلەرى ءبولىمىنىڭ قىزمەتكەرلەرى قر ءىىم الماتى
قالاسى پوليتسيا دەپارتامەنتى كوشى-قون قىزمەتى باسقارماسىنىڭ
قىزمەتكەرلەرىمەن بىرلەسىپ, ورالمان مارتەبەسىنىڭ مەرزىمىن وتكىزىپ
العاندىعىنا قاراماستان ەتنيكالىق قازاقتارعا جەڭىلدەتىلگەن تارتىپپەن
قازاقستان رەسپۋبليكاسىنىڭ ازاماتتىعىن بەرۋ جونىندە جۇمىستار
جۇرگىزىلۋدە.
وسىنداي شارانى قابىلداۋ ەتنيكالىق قازاقتار اراسىندا الەۋمەتتىك
شيەلەنىستى شەشىپ قانا قويماي, ولاردىڭ قازاقستان ازاماتتىعىن العاننان
كەيىن الەۋمەتتىك-ەكونوميكالىق ءال-اۋقاتىنىڭ جاقسارۋىنا اسەر ەتۋىنە
ىقپالىن تيگىزەدى.
ءوز ۋاقىتىندا قازاقستان رەسپۋبليكاسىنىڭ ازاماتتىعىن جەڭىلدەتىلگەن
تارتىپپەن الا الماعان ورالماندار بۇگىنگى كۇندە باسقارماعا كەلىپ مەرزىمى
وتكەن ورالمان كۋالىگىن ۇزارتۋعا ءوتىنىش بەرۋلەرىنە بولادى.
باسقارمانىڭ مەكەن-جايى: الماتى قالاسى, قوناەۆ كوشەسى, 122
عيمارات, انىقتاما تەلەفونى: 8 (727) 261-10-86.
ورالمان كۋالىگىنىڭ مەرزىمىن ۇزارتۋ ءۇشىن قاجەتتى قۇجاتتار ءتىزىمى:
— ءوتىنىش,
— مەرزىمى بۇزىلعان ورالمان كۋالىگى,
— الماتى قالاسىنداعى مەكەن-جايى.
باسقارمادا ورالمان كۋالىگىنىڭ مەرزىمى 2019 جىلدىڭ 31 جەلتوقسانىنا
دەيىن ۇزارتىلادى.
ورالمان كۋالىگىنىڭ مەرزىمىن ۇزارتۋ جونىندە شەشىم العاننان كەيىن
قازاقستان ازاماتتىعىن جەڭىلدەتىلگەن تارتىپپەن (3 ايدىڭ ىشىندە) الۋ ءۇشىن
2019 جىلدىڭ 31 جەلتوقسانىنا دەيىن قر ءىىم الماتى قالاسى پوليتسيا
دەپارتامەنتى كوشى-قون قىزمەتى باسقارماسىنا وسى شەشىممەن بىرگە قاجەتتى
قۇجاتتار ازاماتتىق الۋعا تاپسىرۋ قاجەت.
*ەسكەرتۋ: وسى مۇمكىندىكتى جىبەرىپ الماۋ كەرەكتىگىن ەسكەرتەمىز!

كوشى-قون جۇيەلەرى ءبولىمى
ك.ت.گاليەۆا