ورامال تاعۋعا رۇقسات دەلىنگەن جوق: جوعارعى سوت مالىمدەمە جاسادى

فوتو: اشىق دەرەككوز

جوعارعى سوت مەكتەپتە ورامال تاعۋ تۋرالى ماسەلەنى قاراستىرعان جوق, دەپ حابارلادى qandastar.kz. كاسساتسيالىق ساتى تەك مەكتەپتىڭ وقۋشىنى ساباققا جىبەرمەۋىن زاڭسىز دەپ تانىدى. ويتكەنى ءبىلىم الۋ قۇقىعى قازاقستان رەسپۋبليكاسى ازاماتتارىنىڭ نەگىزگى كونستيتۋتسيالىق قۇقىقتارىنىڭ ءبىرى بولىپ تابىلادى.

جوعارعى سوت وسىنداي مالىمدەمە جاسادى.

«سونىمەن قاتار, بەيىندى مينيسترلىكتە ورتا ءبىلىم بەرۋ ۇيىمدارى ءۇشىن مىندەتتى مەكتەپ فورماسىنا قويىلاتىن تالاپتاردى بەكىتۋ جونىندەگى وكىلەتتىكتەر بار. ءمينيستردىڭ ءتيىستى بۇيرىعى زاڭسىز دەپ تانىلماعان جانە كۇشى جويىلماعان.

سونداي-اق, اتا-انالار مەكتەپ جارعىسى مەن مەكتەپ فورماسىنا قويىلاتىن تالاپتاردى ساقتاۋ مىندەتىنە جاۋاپتى ەكەنىن اتاپ وتەمىز.

بۇل رەتتە اتا-انالاردىڭ بالالاردى تاربيەلەۋ مەن ءبىلىم بەرۋ, ولاردىڭ قۇقىقتارى مەن مۇددەلەرىن قورعاۋ جونىندەگى وزدەرىنە العان جانە زاڭدا بەلگىلەنگەن, ونىڭ ىشىندە اكىمشىلىك قۇقىق بۇزۋشىلىق تۋرالى كودەكستە كوزدەلگەن مىندەتتەردى ورىنداماۋى جاۋاپتىلىققا اكەپ سوعادى», – دەپ حابارلادى جوعارعى سوت.