«Ordabasy» FK-nyń burynǵy prezıdentine qatysty is qozǵaldy

«Ordabasy» FK-nyń burynǵy prezıdentine qatysty qylmystyq is qozǵaldy, dep habarlaıdy qandastar.kz

«Ordabasy» FK burynǵy prezıdentine qatysty qylmystyq isti sybaılas jemqorlyqqa qarsy qyzmet júrgizip jatyr. Bul týraly Shymkent qalalyq sport basqarmasynyń basshysy Myqtybekovtiń resmı saýalyna bergen jaýabynda belgili boldy.

Bul laýazymdy 2022 jylǵy aqpannan 2024 jylǵy mamyrǵa deıin Baýyrjan Abdýbaıtov atqarǵany belgili.

Sonymen qatar, Shymkent prokýratýrasy 2024 jylǵy jeltoqsannan bastap 2020-2024 jyldar aralyǵyndaǵy bıýdjet qarajatynyń tıimdiligi men maqsatty jumsalýyn tekserip jatyr. Búgin Qazaqstan Respýblıkasynyń Bas prokýratýrasy Fýtbol Federaııasynyń burynǵy basshylaryna qatysty qylmystyq isterdi qarjylyq monıtorıng agenttigine tapsyrǵanyn málimdedi.

Bul tekserýler «Aqtóbe», «Jetisý» jáne «Ordabasy» fýtbol klýbtarynda júrgizildi. Atalǵan klýbtarda kelisimshart somalarynyń arttyrylǵany, oıynshylardyń tómen baǵamen satylyp, joǵary baǵamen satyp alynǵany anyqtaldy. Sonymen qatar qarjylyq jymqyrýlar da anyqtaldy.

Qazaqstan fýtbol federaııasynyń resmı saıtynda «Shymkent qalasy fýtbol federaııasy» zańdy tulǵalar assoıaııasynyń prezıdenti retinde Abdýbaıtov Almat Baýyjanuly dep kórsetilgen. Ol «Ordabasy» FK-nyń burynǵy prezıdentiniń uly bolyp kórinedi. Alaıda, Shymkent qalasynyń ádilet departamentiniń málimeti boıynsha, osy federaııanyń basshysy retinde Abdýbaıtov Baýyrjan Toıshybekovıch tirkelgen.

Jalpy alǵanda, Qazaqstan fýtbol federaııasynda jáne birqatar fýtbol klýbtarynda júrgizilgen prokýrorlyq tekserý qarjylyq buzýshylyqtar men tıimsiz basqarýdy anyqtady, bul memleketke 3 mıllıard teńge kóleminde shyǵyn keltirdi.