«Ordabasy» fýtbol klýbynda alańǵa shyqpaıtyn oıynshy 20 mıllıon teńge jalaqy alady

Foto: Qazaqstan fýtbol federaııasy

Shymkent qalasy ákiminiń orynbasary “Ordabasy” fýtbol klýbynda alańǵa shyqpaı-aq aıyna mıllıondar alyp otyrǵan fýtbolshylar bar ekenin aıtty. Bul týraly qandastar.kz Stan.kz aqparat agenttigine silteme jasap habarlaıdy.

Daý shyqqan shymkenttik fýtbol komandasyna qatysty suraqtarǵa jaýap bergen ol Ashat Taǵybergenniń 20 mıllıon teńgeden az aılyqqa kónbegenin de jasyrmady. Sózinshe “Ordabasyda” qazir úsh fýtbolshynyń aılyǵy 60 mıllıon teńgeni quraıdy. Olar Sergeı Malyı, Evgenıı Makarenko jáne Ashat Taǵybergen. Bireýi 33, ekeýi 34 jasta.  Oıynshylardyń biri, tipti, oıynda alańǵa shyqpaıtynyn da jetkizdi. Osyǵan qaramastan qalalyq ákimdik eshqandaı shara qoldana almaı otyr. О́ıtkeni klýbtyń burynǵy prezıdenti Baýyrjan Abdýbaıtov oıynshylarǵa oıǵa kelmeıtin aılyq taǵaıyndap ketken.

“Qala ákimi batpaqqa batqan fýtbol klýbyn qabyldadyq degeni ras. 2018 jyldan bergi qaryzy 2,5 mıllıard teńge edi. Ony qala ákimi tolyq japtyrdy. 4 aıdan asar-aspas qyzmet nátıjesinde Baýyrjan Abdýbaıtov “Ordabasyny” taǵy 2 mıllıard teńge qaryzǵa batyrǵan. Birneshe fýtbolshyǵa artyq tólenetin kelisim-shart jasasqan. Ony eshkimmen kelispegen. Qazir quziretti organnan nelikten tek fýtbolshylarmen ǵana kelisip, sheshim shyǵarǵanyn surap jatyrmyz. Bul kelisim-shart 2025 jyldyń sońyna deıin bekitilgen. Biz oǵan eshqandaı shara qoldana almaımyz”, – deıdi Sársen Quranbek.

Ákim orynbasary fýtbolshylarmen kezdesý ótip, olardyń basym bóligi aılyǵyn azaıtýǵa keliskenin aıtady. Sóıtip, oıynshylardyń jalaqysy Abdýbaıtov qoıǵan gonarardan 40 paıyzǵa azaıǵan. Biraq bul ótinishke Taǵybergen bastaǵan úsh oıynshy sol kúıi kelispepti. Pikirin bilý úshin habarlasqanymyzda, fýtbolshynyń ózi jaýap berýden bas tartty.
“Olardyń ary men namysyna tapsyrdyq. Bul qarjy bıýdjetten bólinedi. Ony únemdeýdi kózdegen bolatynbyz. Endi olardan sol qarjyǵa laıyqty oıyn kórsetýdi suraýdan basqa amal joq”, — deıdi Shymkent ákiminiń orynbasary.

Aıta keteıik, bıyl “Ordabasy” fýtbol komandasyna jergilikti bıýdjetten 3,2 mıllıard teńge bólingen. Bul byltyrǵy qun salyǵyn qosqandaǵy sommadan eki ese az. Al, klýbqa jańadan qosylǵan legıonerlerge 5,5 mıllıon teńge taǵaıyndalypty.

Buǵan deıin, Shymkent qalasynyń ákimi Ashat Taǵybergenniń 20 mıllıon teńge jalaqy alatynyn, komandadan ketpeı otyrǵanyn habarlaǵan edik. Al fýtbolshynyń jubaıy qala basshysynyń synyna jaýap bergen bolatyn.