مادەنيەت
«وردانىڭ» سوڭعى تۋرى: داستان ورازبەكوۆ توپتىڭ ساحنامەن قوش ايتىساتىنىن ايتتى
فوتو: وردا/ tengrinews.kz
ءانشى داستان ورازبەكوۆ 2025 جىلدىڭ اقپان ايىندا «وردا» توبىنىڭ قوشتاسۋ كونتسەرتى بولاتىنىن مالىمدەدى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
ءانشى بۇل تۋرالى Revue news باعدارلاماسىندا ايتتى.
«تارايتىن كەز كەلدى», – دەدى ءانشى, توپتىڭ مۇشەسى داستان ورازبەكوۆ.
ول «وردا» توبى 2025 جىلدىڭ اقپان ايىندا قازاقستاننىڭ بىرنەشە وڭىرىنە گاسترولگە شىعاتىنىن ايتتى. ال الماتىدا 25 جىلدىق قوشتاسۋ كونتسەرتى بولماق.
«بۇل – «وردانىڭ» سوڭعى تۋرى», – دەدى توپ مۇشەسى داستان ورازبەكوۆ.
توپ تاراسا دا, ورازبەكوۆ جەكە شىعارماشىلىعىن جالعاستىرا بەرمەك. ونىڭ سوزىنشە, توپتىڭ باسقا مۇشەلەرى دە ونەردەن قول ۇزبەيدى.
