الەۋمەت جانە قوعام
«ورتا ەسەپپەن 158 648 تەڭگە جۇمسايدى»: قازاقستاندا ازىق-ت ۇلىك كۇننەن كۇنگە قىمباتتاپ بارادى
فوتو: freepik.com
قاراپايىم حالىقتىڭ تابىسى تەك كۇندەلىكتى تاماققا عانا جەتەدى. ۇلتتىق ستاتيستيكا بيۋروسىنىڭ مالىمەتىنشە, بۇگىندە ءبىر ادام ءۇش ايدا ورتا ەسەپپەن 158 648 تەڭگەنى تەك ازىق-ت ۇلىككە جۇمسايدى, دەپ جازدى qandastar.kz
بۇل اقشانىڭ كوپ بولىگى ەت, نان, ءسۇت, كۇرىش پەن قاراقۇمىق سياقتى نەگىزگى ونىمدەرگە كەتەدى. بۇل تۋرالى Stan.kz اقپارات اگەنتتىگى ينفورمبيۋرو باعدارلاماسىنا سىلتەمە جاساپ حابارلايدى.
ستاتيستيكاعا سەنسەك, كوكونىستەر دە قازىر ارزان ەمەس. مىسالى, دۇكەندەردە كارتوپتىڭ ءبىر كەلىسى – 396 تەڭگەدەن, ال ءسابىز – 449 تەڭگەدەن باستاپ ساتىلىپ جاتىر. قازاقستاندىقتار ءۇش ايدا ورتا ەسەپپەن 312 مىڭ تەڭگە جۇمسايدى. سونىڭ جارتىسى – ازىق-ت ۇلىككە كەتەدى. مىسالى, ەتكە – 48 مىڭ, نان مەن جارماعا – 22 مىڭ, سۇتكە – 15 522 تەڭگە جۇمسالادى. ازىققا كەتكەن اقشادان كەيىن حالىق كيىم-كەشەك پەن جيھاز الۋعا كوپ شىعىندالمايدى.
كوكونىس باعاسى دا شارىقتاپ تۇر. ىرىكتەلگەن كارتوپ – 460 تەڭگە, جۋىلعان ءسابىز – 499 تەڭگە. ساۋدا كوميتەتى مۇنى ماۋسىمارالىق كەزەڭمەن بايلانىستىرادى, ياعني كوكونىستەر ءالى تولىق جينالىپ بىتپەگەن. ولار ءونىم تولىق شىققاندا باعا تۇسەدى دەپ ۇمىتتەنىپ وتىر.
اۋىل شارۋاشىلىعى مينيسترلىگىنىڭ وكىلى ەرسايىن دوسىمبەتوۆتىڭ ايتۋىنشا, قازىر 123,4 مىڭ توننا كارتوپ, 254,9 مىڭ توننا ورامجاپىراق, 31,4 مىڭ توننا ءسابىز, 12 مىڭ توننا پياز جينالىپ, ىشكى نارىققا جەتكىزىلگەن.
جىل باسىندا كارتوپ باعاسى تاعى قىمباتتاعان ەدى. سول كەزدە ۇكىمەت تاپشىلىقتى سەبەپ ەتىپ, كارتوپتى سىرتقا شىعارۋعا (ەكسپورتقا) تىيىم سالدى.
ەكونوميست باۋىرجان ىسقاقوۆتىڭ ايتۋىنشا, ەكسپورتقا شەكتەۋ قويۋ ارقىلى ىشكى نارىقتاعى باعانى ۇستاپ تۇرۋعا بولادى. بىراق بۇل اۋىل شارۋاشىلىعى سالاسىنداعى كاسىپكەرلەردىڭ تابىسىن ازايتادى, ياعني ولار ءوز ءونىمىن سىرتقا ساتا الماي, كىرىستەن قاعىلادى.
ەكونوميكا ءمينيسترى سەرىك جۇمانعارين قازىرگى باعانى تۇراقتى دەپ باعالايدى. دەگەنمەن, مامانداردىڭ ايتۋىنشا, كارتوپ, ءسابىز, پياز جانە قىرىققابات باعاسى ماۋسىمنىڭ سوڭىنا دەيىن تومەندەمەۋى مۇمكىن.
ەسكە سالايىق, بۇعان دەيىن مامىردا قازاقستاندا ينفلياتسيا 11,3%-عا جەتكەنىن جازعان ەدىك. بىر ايدا ازىق-ت ۇلىك, قىزمەت تۇرلەرى مەن تاۋارلار تاعى دا قىمباتتاعان. ليمون, الما, المۇرت پەن ءجۇزىمنىڭ باعاسى ايتارلىقتاي وسكەن. كيىم-كەشەك پەن قۇرىلىس ماتەريالدارى دا قىمبات. كوممۋنالدىق تاريفتەر – سۋ, جارىق, گاز بەن كارىز اقىسى كوتەرىلگەن. تەمىرجول مەن ساناتوري قىزمەتتەرى دە قىمباتتاپ وتىر.
