«Ortalyq Azııa – Qytaı» formatyndaǵy Syrtqy ister mınıstrleriniń kezdesýi ótti

Foto: SIM

Búgin Qazaqstan, Qyrǵyzstan, Tájikstan, Túrikmenstan, О́zbekstan jáne Qytaıdyń syrtqy saıası vedomstvolarynyń basshylaryn biriktirgen «Ortalyq Azııa – Qytaı» formatyndaǵy Syrtqy ister mınıstrleriniń besinshi kezdesýi ótti, dep habarlady QR Syrtqy ister mınıstrligi.

Qazaqstandyq delegaııany Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý basqardy.

Is-shara seriktestikti nyǵaıtý, óńirlik jáne halyqaralyq mańyzy bar negizgi máselelerdi talqylaý úshin mańyzdy alań boldy. Kezdesýde taraptar saıası dıalogty tereńdetýge, ekonomıkalyq baılanystardy damytýǵa jáne mádenı-gýmanıtarlyq almasýlardy nyǵaıtýǵa óz mindettemelerin rastady. Mınıstrler «О́ńirdiń turaqtylyǵy, qaýipsizdigi jáne ornyqty damýy» tujyrymdamasy sheńberinde birlesken jumysty jalǵastyrýdyń mańyzdylyǵyn atap ótti.

Talqylaýdyń negizgi taqyryptary ekonomıkalyq yntymaqtastyq, aımaqtaǵy qaýipsizdik máseleler, kólik-logıstıkalyq yntymaqtastyq, klımat jáne ekologııa, sondaı-aq mádenı-gýmanıtarlyq baılanystardy keńeıtý boldy.