Jańalyqtar
Ortsaılaýkom 2022 jylǵy 24 tamyzda ótken Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaý qorytyndylaryn anyqtady
2022 jylǵy 26 tamyzda Nurlan Ábdirovtiń tóraǵalyq etýimen 2022 jylǵy 24 tamyzda ótken Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaý qorytyndylaryn anyqtaý jáne jarııalaý máselesi boıynsha Qazaqstan Respýblıkasy Ortalyq saılaý komıssııasynyń otyrysy ótti.
Otyrysqa beınekonferenııa baılanysy rejıminde Abaı, Jetisý jáne Ulytaý oblystarynyń aýmaqtyq saılaý komıssııalarynyń tóraǵalary qatysty.
Nurlan Ábdirov otyrysty asha otyryp, jańadan qurylǵan Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaý alǵash ret ótkizilgenin atap ótti.
Memleket Basshysy Qasym-Jomart Toqaevtyń úsh jańa oblys qurý týraly Jarlyǵy kúshine engennen keıin, atalǵan óńirlerde jańa máslıhattar jasaqtalyp, aýmaqtyq saılaý komıssııalary quryldy. Sondyqtan osy jańa óńirler janama saılaý quqyǵy negizinde Parlament Senatyndaǵy óz ókilderin saılady.
Otyrysta OSK Tóraǵasynyń orynbasary Konstantın Petrov saılaý qorytyndylary týraly baıandama jasady.
Baıandamashynyń aqparatyna sáıkes, Abaı, Jetisý jáne Ulytaý oblystarynyń aýmaqtyq saılaý komıssııalarynyń Parlament Senaty depýtattaryn saılaý jónindegi daýystardy sanaý nátıjeleri týraly hattamalary negizinde saılaý ótkizildi dep tanyldy.
Barlyq úsh óńir boıynsha 346 máslıhat depýtatynan daýys berýge 311 depýtat qatysty. Iaǵnı, barlyq óńirlerde kvorýmǵa qol jetti.
Parlament Senatyndaǵy tıisti 6 mandatqa barlyǵy 12 kandıdat (ár oblystan 4 adamnan) daýysqa túsken.
Daýys berý, ózge de saılaý rásimderi saılaý zańnamasynyń normalaryna saı ótti.
Saılaý kúni Ortsaılaýkomnyń ınternet-resýrsy arqyly tańdaýshylardy tirkeýdi jáne daýys berýdiń aldyn ala qorytyndylaryn shyǵarýdy onlaın baıqaý servısteri jumys istedi. Iaǵnı, saılaý proesiniń ashyqtyǵy men jarııalylyǵy tolyqqandy qamtamasyz etilgen. Bul proess OSK aqparattyq arnalary arqyly da jedel jarııalanyp otyrdy.
Otyrysta Ortalyq saılaý komıssııasy «2022 jylǵy 24 tamyzda ótkizilgen Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaýdyń qorytyndylaryn anyqtaý jáne jarııalaý týraly» qaýly qabyldady.
«Qazaqstan Respýblıkasyndaǵy saılaý týraly» Konstıtýııalyq zańnyń 12, 44 jáne 81-baptaryna sáıkes, Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaý boıynsha daýystardy sanaý nátıjeleri týraly Abaı, Jetisý jáne Ulytaý oblystarynyń aýmaqtyq saılaý komıssııalarynyń hattamalary negizinde saılaý qorytyndylary anyqtaldy.
Iaǵnı, Qazaqstan Respýblıkasy Parlamenti Senatynyń depýtattary bolyp:
· Abaı oblysynan:
Baıahmetov Baqytjan Kákenqadjauly(2017 jylǵy 28 maýsymda saılanǵan depýtattardyń ókilettik merzimine);
Arǵynbekova Aınur Serikpaıqyzy (2020 jylǵy 12 tamyzda saılanǵan depýtattardyń ókilettik merzimine);
· Jetisý oblysynan:
Tolamısov Amangeldi Ǵabdylkárimuly (2017 jylǵy 28 maýsymda saılanǵan depýtattardyń ókilettik merzimine);
Sarybaev Ǵalıasqar Tólendiuly (2020 jylǵy 12 tamyzda saılanǵan depýtattardyń ókilettik merzimine);
· Ulytaý oblysynan:
Medebaev Sovetbek Tursynuly (2017 jylǵy 28 maýsymda saılanǵan depýtattardyń ókilettik merzimine);
Shaıdarov Serik Jamanqululy (2020 jylǵy 12 tamyzda saılanǵan depýtattardyń ókilettik merzimine) saılandy.
Qazaqstan Respýblıkasynyń Konstıtýııasyna sáıkes Parlament Senatynyń depýtattary alty jylǵa saılanady. Sonymen qatar, olardyń jartysy árbir úsh jyl saıyn qaıta saılanyp otyrady.
OSK Tóraǵasy Nurlan Ábdirov «Qazirgi ýaqytta Parlament Senatynda 2017 jáne 2020 jyldary saılanǵan depýtattar óz ókilettikterin júzege asyrýda. Atap ótý qajet, 2022 jylǵy 24 tamyzda ótken saılaýda tańdaýshylar – máslıhat depýtattary janama saılaý quqyqtary negizinde jasyryn daýys berý arqyly jańa senatorlardyń qaısysy 2017 jáne 2020 jyldary saılanǵan depýtattardyń ókilettik merzimderine rotaııa arqyly saılanatynyn ózderi anyqtady» – dep atap ótti.
«Qazaqstan Respýblıkasyndaǵy saılaý týraly» Konstıtýııalyq zańnyń 44-babyna sáıkes 2022 jylǵy 24 tamyzda Abaı, Jetisý jáne Ulytaý oblystarynan Qazaqstan Respýblıkasy Parlamenti Senaty depýtattaryn saılaý qorytyndylary týraly OSK resmı habarlamasy buqaralyq aqparat quraldarynda jarııalanatyn bolady.
