Orynbor qazaqtary Qazaqstanǵa tanymdyq saparmen keldi

«Otandastar Qory» KeAQ shetelde turatyn qazaqtarmen jáne qazaq mádenı ortalyqtarymen únemi baılanysta. Solardyń biri – «Orynbor aımaqtyq qazaq-ulttyq mádenı avtonomııasy» (ári qaraı – Qoǵamdyq uıym).

Atalmysh Qoǵamdyq uıymynyń ókilderi 2022 jyldyń 17 aqpanynda Qazaqstanǵa tanymdyq saparmen kelip, «Otandastar Qory» kommerııalyq emes akıonerlik qoǵamnyń jumysymen, ujymymen tanysty. Bekitilgen kún tártibine sáıkes sheteldik qonaqtar 18-19 aqpan kúnderi Nur-Cultan qalasynda qazaqtyń ulttyq mádenıeti, ádet-ǵurpy jáne qazaq tili taqyrybyna qatysty sheberlik saǵattaryna qatysady.

Atap aıtsaq, «Astana Balet» teatrynda ulttyq bı óneri, Qazaq ulttyq óner ýnıversıtetinde dombyra úırený, «Hazifa sheberlik mektebinde» halqymyzdyń qolóneri, Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynda «Qazaq tilin oqytýdyń ádistemesi» boıynsha sheberlik saǵat ótedi. Sondaı-aq Lev Gýmılev atyndaǵy Eýrazııa ulttyq ýnıversıtetinde «Qazaqtardyń etnogenezi. Qazaqtardyń Reseı Federaııasy terrıtorııasyna qonystaný tarıhy: Orynbor oblysy. Qazaqtardyń dástúrli kóshpeli sharýashylyǵy» taqyryptary aıasynda dóńgelek ústel men dáriske qatysady. Qazaqstan Respýblıkasynyń ulttyq murajaıynda elimizdiń tarıhy týraly tyń derektermen tanysyp, Qalıbek Qýanyshbaev atyndaǵy qazaq memlekettik akademııalyq mýzykalyq drama teatrynda «Qunanbaı» spektakliniń kórermeni bolady.

Tanymdyq sapardyń basty maqsaty – ózderi alysta tursa da, Qazaqstanǵa kelip, ulttyq qundylyqtardy taný arqyly olardy Orynbor qazaqtary arasynda ári qaraı dáripteý.