جاڭالىقتار
ورىنبور ماڭىنداعى جايىق وزەنىندە سۋ دەڭگەيى 1054 سم-گە دەيىن كوتەرىلدى
بەيسەنبى كۇنى تاڭەرتەڭ رەسەيدىڭ ورىنبور وبلىسى ورىنبور اۋدانىنداعى جايىق وزەنىندە سۋ دەڭگەيى 1054 سم-گە دەيىن كوتەرىلدى
«11 ءساۋىر كۇنى ساعات 06:00-دەگى جاعداي بويىنشا جايىق وزەنىندەگى سۋ دەڭگەيى 1054 سم قۇرايدى», – دەلىنگەن اۋدان اكىمدىگى تاراتقان حابارلامادا.
بۇعان دەيىن جايىقتىڭ رەسەي بولىگىندە بوگەت بۇزىلىپ, تۇرعىنداردى ەۆاكۋاتسيالاۋ باستالعانى تۋرالى حابارلانعان بولاتىن. قر توتەنشە جاعدايلار مينيسترلىگىنەن رف توتەنشە جاعدايلار مينيسترلىگىندەگى ارىپتەستەرىمەن تىكەلەي بايلانىستا بولىپ, جاعدايدى قاداعالاپ وتىرعانىن مالىمدەدى.
ورىنبور وبلىسىندا كوكتەمگى سۋ تاسقىنى جاعدايى 100 جىلدا ءبىر رەت بولادى. ورسك قالاسىندا وتكەن توتەنشە جاعداي كوميسسياسىنىڭ وتىرىسىندا رەسەيلىك ارنايى قىزمەت ماماندارى وسىنداي قورىتىندىعا كەلدى.
