Jańalyqtar
Orynbor mańyndaǵy Jaıyq ózeninde sý deńgeıi 1054 sm-ge deıin kóterildi
Beısenbi kúni tańerteń Reseıdiń Orynbor oblysy Orynbor aýdanyndaǵy Jaıyq ózeninde sý deńgeıi 1054 sm-ge deıin kóterildi
«11 sáýir kúni saǵat 06:00-degi jaǵdaı boıynsha Jaıyq ózenindegi sý deńgeıi 1054 sm quraıdy», — delingen aýdan ákimdigi taratqan habarlamada.
Buǵan deıin Jaıyqtyń Reseı bóliginde bóget buzylyp, turǵyndardy evakýaııalaý bastalǵany týraly habarlanǵan bolatyn. QR Tótenshe jaǵdaılar mınıstrliginen RF Tótenshe jaǵdaılar mınıstrligindegi áriptesterimen tikeleı baılanysta bolyp, jaǵdaıdy qadaǵalap otyrǵanyn málimdedi.
Orynbor oblysynda kóktemgi sý tasqyny jaǵdaıy 100 jylda bir ret bolady. Orsk qalasynda ótken tótenshe jaǵdaı komıssııasynyń otyrysynda reseılik arnaıy qyzmet mamandary osyndaı qorytyndyǵa keldi.
