جاڭالىقتار
وسكەمەندە 18 جاستاعى قىز ءبىر اپتا بويى تابىلماي جاتىر
فوتو: اشىق دەرەككوز
وسكەمەندە تۇراتىن 18 جاستاعى قىز ۇيىنەن تاڭەرتەڭ شىعىپ كەتكەن. ءالى كۇنگە دەيىن ونىڭ قايدا ەكەنى بەلگىسىز, دەپ جازدى qandastar.kz
شقو پوليتسيا دەپارتامەنتىنىڭ مالىمەتىنشە, انەل ەرىك 12 قاراشا كۇنى تاڭەرتەڭ قالاداعى مەتاللۋرگ ساياباعىنىڭ ماڭىنداعى ۇيىنەن شىعىپ كەتكەن. قايدا كەتكەنىن ايتپاعان ول سول كۇنى حابار-وشارسىز.
اتا-اناسى سول كۇنى پوليتسياعا حابارلاسىپ, كومەك سۇراعان سوڭ ءتارتىپ ساقشىلارى مەن ەرىكتىلەر جەدەل-ىزدەستىرۋ شارالارىنا كىرىسكەن. الايدا ارادا ءبىر اپتا وتسە دە 18 جاستاعى قىز تابىلماي جاتىر.
«بويجەتكەننىڭ ۇستىندە قارا فۋتبولكا, جاسىل جەيدە, قارا شالبار جانە ەتىك بولعان. وزىمەن بىرگە ۇيالى تەلەفونىن الا شىعىپتى. بىراق سول كۇننەن بەرى ءوشىرۋلى تۇر. انەل ەرىكتىڭ قايدا ەكەندىگى تۋرالى قانداي دا ءبىر اقپارات بىلەتىن ادامعا 102 ارناسىنا قوڭىراۋ شالۋىن سۇرايمىز», – دەلىنگەن اقپاراتتا.
