Jańalyqtar
О́skemende órt sóndirýshi bıik ǵımarattan qulap kett
Foto: Nur-Sultan qalasy TJD Qoǵammen baılanys toby
Jelide taraǵan vıdeoda órt sóndirýshiniń qyzmettik mindetin atqarý kezinde bıik ǵımarattan qulap ketken sáti beınelengen. Qaýipti oqıǵa Shyǵys Qazaqstan oblysynyń О́skemen qalasynda 2025 jyldyń 5 mamyrynda oryn aldy, dep habarlaıdy qandastar.kz
Krasın kóshesindegi turǵyn úıdiń tórtinshi qabatynda órt shyqqan. О́rt kezinde úıde eshkim bolmaǵan. Tótenshe jaǵdaılar mınıstrligi habarlaǵandaı, №7 órt sóndirý bóliminiń qyzmetkeri qutqarý jumystary barysynda avtobaspaldaqpen kóterilip bara jatyp, abaısyzda bıikten qulaǵan.
Jeli qoldanýshylary órtsóndirý qyzmetkerlerinde arnaıy tehnıkanyń joqtyǵyna nazar aýdarǵan.
«Tehnıka qaıda, mınıstr myrza?», dep suraqty pikir qaldyrǵan oqyrman tarapy.
— Mine jumystaryna adaldyq dep osynaý aıtýǵa bolady, sen tur men shyǵaıyn degen jigitter, kóz aldynda áriptesteri qulap jatsada, boı bermeı ekinshisi óz ómirin báıgege tigýge daıyn azamattar. Eńbekteri baǵalaý kerek.
Qulaǵan órt sóndirýshige TJM Qaýip-qater medıınasy ortalyǵynyń mamandary alǵashqy medıınalyq kómek kórsetken. Keıin ol travmatologııa bólimine jetkizilip, oǵan «oń tabany synǵan» degen dıagnozy qoıylǵan. Qazirgi tańda onyń jaǵdaıy qanaǵattanarlyq, ómirine qaýip joq ekeni habarlandy. Oqıǵaǵa baılanysty qyzmettik tekserý júrgizilip jatyr.
Al mınıstrlik dereginshe, órt sóndirý kezinde arnaıy avtokótergish tehnıka qoldanylǵanymen, oqıǵa ornyndaǵy qalyń ósimdikter tehnıka jumysyna kedergi keltirgen.
