Jańalyqtar
О́skemendegi jylý magıstralinde qubyr jarylyp, úıler jylýsyz qaldy
Foto: gov.kz
«Shyǵys Jylý» AQ mamandary aqaý ornyn anyqtap, qalpyna keltirý jumystaryn bastady, dep jazady qandastar.kz
О́skemen qalasyndaǵy Jibek matalar kombınaty yqsham aýdanyndaǵy jylý magıstralinde qubyr jarylyp, úıler jylýsyz qaldy.
Inbusiness.kz málimetinshe, yqsham aýdandaǵy Drama teatry men «Ertis sıtı» turǵyn úı kesheni aýmaqtarynda dıametri 630 mm jylý magıstralinde aqaý shyǵyp, sonyń saldarynan jylý berý toqtatylǵan.
«Shyǵys Jylý» AQ mamandary aqaý ornyn anyqtap, qalpyna keltirý jumystaryn bastady.
«Mamandar men tehnıka sol jerje jumys istep jatyr. Aqaý shyqqan oryndy anyqtaýda qıyndyqtar boldy. Jóndeý jumystary aıaqtalǵannan keıin jylý beriledi. Túsinistik tanytqany úshin turǵyndarǵa alǵys aıtyp, sabyr saqtaýdy suraımyz. Jaǵdaı jergilikti atqarýshy organdardyń baqylaýynda», – dedi ShQO ákiminiń orynbasary Baqytjan Baıahmetov.
