ءبىلىمجاڭالىقتار
«وسى قاتەنى كوپ ادام جاسايدى»: عىلىم ءمينيسترى 1-كۋرس ستۋدەنتتەرىنە ءۇش كەڭەس بەردى
فوتو: pixabay.com
عىلىم جانە جوعارى ءبىلىم ءمينيسترى ساياسات نۇربەك 1-كۋرس ستۋدەنتتەرىنە كەڭەس بەرىپ, العاشقى جىلى وقۋعا دەن قويۋ ماڭىزدى ەكەنىن اتاپ ءوتتى, دەپ حابارلايدى Qandastar.kz nur.kz-كە سىلتەمە جاساپ.
مينيستر ەڭ الدىمەن وقۋ پروتسەسىن دۇرىس جولعا قويۋ كەرەك ەكەنىن ايتتى.
ء«بىرىنشىسى – وقۋ پروتسەسى. سونى اياققا تۇرعىزىپ الىڭىز. وسى قاتەنى كوپ ادام جاسايدى, مەن دە جاسادىم – جاڭا قالاعا كەلىپ جوعالىپ كەتتىك. ءبىرىنشى جىل وتە ماڭىزدى. وقۋ پروتسەسىن ءاۋ باستان دۇرىس جولعا قويماساڭىزدار, ودان كەيىن قوردالانىپ قالادى, ەكىنشى, ءۇشىنشى سەمەستردە قيىن بولادى», – دەدى مينيستر.
سونىمەن قاتار, ساياسات نۇربەك اقپاراتپەن جۇمىس ىستەۋ داعدىسىن قالىپتاستىرۋعا كەڭەس بەردى.
«قازىر اقپارات وتە كوپ. كەز كەلگەن دارىستەن شىققان سوڭ, بىرنەشە سلايد, بىرنەشە كىتاپ پەن سىلتەمە بولادى. ونى جۇيەگە كەلتىرەتىن ءوز ءتارتىبىڭىز بولۋى كەرەك. سوندىقتان تسيفرلىق ءتارتىپ نەمەسە تسيفرلىق قاۋىپسىزدىك وتە ماڭىزدى. ءۇشىنشى كەڭەس – دەنساۋلىق. تاماعىڭىزدى, كۇن ءتارتىبىڭىزدى, دەنساۋلىعىڭىزدى, سۋ مەن تاماق ساپاسىن مۇقيات قاراڭىز. ءسىزدىڭ دەنساۋلىعىڭىز – تەك قانا ءسىزدىڭ جاۋاپكەرشىلىگىڭىز», – دەيدى عىلىم ءمينيسترى.
ايتا كەتەيىك, 2024-2025 وقۋ جىلىندا 94 مىڭنان استاي گرانت ءبولىندى. ونىڭ ىشىندە 78 مىڭ گرانت – باكالاۆريات ستۋدەنتتەرىنە, 13 مىڭ گرانت – ماگيستراتۋراعا بەرىلسە, 3 مىڭ گرانت بولاشاق دوكتورانتتارعا قاراستىرىلعان.
