«Osy salttyń keregi ne?»: Qarııalardyń kórpe astyndaǵy is-áreketi kópshiliktiń ashýyna tıdi

Foto: ashyq derekkóz

Jelide ata men ájeniń kópshiliktiń kózinshe kórpe jamylyp jatqany kópshiliktiń ashýyna tıdi. Bul týraly qandastar.kz Stan.kz aqparat agenttigine silteme jasap habarlaıdy.

Jeli qoldanýshylary qudalyq kezinde qyzdyń jasaýyn ákelgende kórsetiletin qazaqy yrym degendi jarysa jazyp jatyr. Alaıda keıbir oqyrman qaýymnyń shamyna da tıdi.

“Myna albastylardy jaýapqa tartý kerek! Ne masqara shaldyki ne, artylyp minip alǵan nesi, aljyǵan uıatsyzdar”, “Kempiri joqtar kimmen jatady?”, “Qazaqta osyndaı uıatsyz yrym joq, bolǵan emes. Oıdan shyǵarǵan ersilik. Mynany kórip tur,an kishi balalar ne oılaıdy? Arsyzdar!!! Aqsaqaldarymyz osyndaı bolsa, jetisken ekenbiz! Ne bolyp ketti? Ne istep jatsyńdar, baýyrlar? Yrym-salt mundaı emes edi ǵoı. Qazaqtyń salt-ǵurpyn aıaqqa tastadyńdar ma? “Qudalyqta jasalatyn osy salttyń keregi ne?”, “Uıat qoı mynaý, masqara! Aqsaqaldarymyzdan da es ketip eser bolǵan zaman-aı. Mynaý, ne masqara, úlkenderden úlgi alar eshteńe qalmady. Jabaıylyq», – dep synady jeli qoldanýshylary.

Eske salaıyq, ánshi Abaı Begeı de ulynyń qudalyǵynda kórpege aýnap, synnyń astynda qalǵan edi.

“Farıza ekeýmizdi kórpege aýnatqan vıdeomyz áleýmettik jelige taralyp ketti. Qanshama pikir jazylyp jatyr. Aqtaýlyq dostarym “bizde mundaı salt joq, qaıdan shyǵaryp júrsiń” dep renjidi. О́z basym osyndaı dástúr baryn biletinmin, batys óńirinde joq bolǵasyn mán berip, zerttemegen edim. Ońtústik óńirde bar eken. Qazaqtyń ejelgi dástúrinde de bolǵan. Keıin ýaqyt óte kele qoldanystan shyǵyp qalǵan”, – dep túsindirgen edi óner ıesi.