وسى جىلى قانداي جەڭىلدەتىلگەن يپوتەكالىق تۇرعىن ءۇي باعدارلامالارى جۇمىس ىستەيدى?

ەلىمىزدە تۇرعىن ءۇي وزەكتى ماسەلەلەردىڭ ءبىرى بولىپ قالا بەرەدى. باسپانالى بولعىسى كەلەتىن كوپتەگەن قازاقستاندىقتىڭ جالعىز ءۇمىتى – يپوتەكا, – دەپ حابارلايدى Aikyn.kz.

Kazinform-نىڭ جازۋىنشا, بيىل «وتباسى بانكى» اق ءتۇرلى الەۋمەتتىك توپتار ءۇشىن جەڭىلدەتىلگەن شارتپەن بىرنەشە مەملەكەتتىك يپوتەكالىق باعدارلامانى ۇسىنادى. ولاردىڭ شارتتارى تۋرالى تولىعىراق Kazinform اگەنتتىگىنىڭ ماتەريالىنان وقىڭىز.

«2-10-20» جانە «5-10-20» باعدارلامالارى

بۇل باعدارلامالار بويىنشا كرەديتتەر 10% مولشەرىندە باستاپقى جارنا بولعان كەزدە جىلدىق 2% جانە 5% (تيىسىنشە 2%-دان جانە 5,2%-دان باستاپ) ستاۆكالار بويىنشا بەرىلەدى. نەسيەلەۋ مەرزىمى – 20 جىلعا دەيىن.

جەرگىلىكتى اتقارۋشى ورگانداردا تۇرعىن ءۇي كەزەگىندە تۇرعان كەلەسى ساناتتاعى ازاماتتار (جىلدىق 2% ستاۆكا بويىنشا قولجەتىمدى قارىزدارعا (2%-دان باستاپ سەس) ۇمىتكەر بولا الادى:

— ءبىرىنشى جانە ەكىنشى توپتاعى مۇگەدەكتىگى بار ادامدار;

— مۇمكىندىگى شەكتەۋلى بالالارى بار نەمەسە تاربيەلەپ وتىرعان وتباسىلار;

— جەتىم بالالار مەن اتا-اناسىنىڭ قامقورلىعىنسىز قالعان بالالار;

— «التىن القا», «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان, سونداي-اق I جانە II دارەجەلى «انا داڭقى» وردەندەرىمەن ماراپاتتالعان كوپبالالى وتباسىلار, كوپبالالى انالار.

باعدارلاماعا قاتىسۋشىلار تۇرعىن ۇيگە كەزەككە قويۋ كۇنى مەن ساناتىنا قاراپ ىرىكتەلەدى. الەۋەتتى قاتىسۋشىلاردى ىرىكتەۋدە ءبىرىنشى كەزەكتە 1 جانە 2-توپتاعى مۇگەدەكتەرگە جانە مۇمكىندىگى شەكتەۋلى بالالاردى تاربيەلەپ وتىرعان وتباسىلارعا باسىمدىق بەرىلەدى.

5% مولشەرلەمە بويىنشا زايمدار جەرگىلىكتى اتقارۋشى ورگانداردا تۇرعىن ءۇي كەزەگىندە تۇرعان ازاماتتاردىڭ بارلىق باسقا ساناتتارىنا قولجەتىمدى.

مەملەكەتتىك باعدارلامالارعا قاتىسۋعا وتىنىمدەردى قابىلداۋ جىلجىمايتىن م ۇلىك پورتالىندا (otbasybank.kz) ساتىلاتىن وبەكتىلەر شەڭبەرىندە جۇزەگە اسىرىلادى. وسى باعدارلامالار بويىنشا جىلجىمايتىن م ۇلىكتى زايم ارقىلى الۋشى تۇرعىن ۇيگە كەزەگىندە تۇرعان ايماقتا ساتىپ الۋى ءتيىس.

جاستارعا ارنالعان تۇرعىن ءۇي باعدارلاماسى

جاستار باعدارلامالارى الماتى, استانا, اقتوبە, الماتى, اتىراۋ, جامبىل, جەتىسۋ, باتىس قازاقستان, قاراعاندى, قوستاناي, قىزىلوردا, ماڭعىستاۋ, اباي, ۇلىتاۋ جانە پاۆلودار وبلىستارىندا ىسكە قوسىلدى.

باعدارلاماعا قازاقستاننىڭ 35 جاسقا دەيىنگى كەز كەلگەن ازاماتى قاتىسا الادى. وعان ەرلى-زايىپتىنىڭ بىرەۋى عانا قاتىسا الادى. ءوتىنىم بەرگەن كەزدە قاتىسۋشىنىڭ رەسمي جۇمىس ءوتىلى 6 ايدان 12 ايعا دەيىن بولۋى كەرەك. سونىمەن قاتار سوڭعى 5 جىل ىشىندە قاتىسۋشىنىڭ مەنشىگىندە جىلجىمايتىن م ۇلىك بولماۋى ءتيىس.

بانك تۇرعىن ءۇي قۇنىنا ەمەس, تەك نەسيە سوماسىنا شەكتەۋ قويا الادى. ايماققا بايلانىستى ول 10 ملن تەڭگەدەن 20 ملن تەڭگەگە دەيىن اۋىتقيدى. ەگەر تاڭدالعان وپتسيا قىمباتتىراق بولسا, وندا باعدارلاماعا قاتىسۋشىلار قارىز سوماسى مەن تۇرعىن ءۇي باعاسى اراسىنداعى ايىرماشىلىقتى ءوزى جابادى.

جاستار باعدارلاماسى بويىنشا باستاپقى جارنا – 10%, ال پايىزدىق مولشەرلەمە – جىلدىق 5%-دان (جەس-5,2%-دان). يپوتەكانىڭ ماكسيمالدى مەرزىمى – 19 جىلعا دەيىن.

جاس عالىمدارعا ارنالعان باعدارلاما

باعدارلاما قر عىلىم جانە جوعارى ءبىلىم مينيسترلىگىمەن بىرلەسىپ, جاس عالىمداردى قولداۋ, تۇرعىن ءۇي ساتىپ الۋعا جەڭىلدىكتى كرەديتتەر بەرۋ ءۇشىن ىسكە اسىرىلىپ جاتىر.

قارجىلاندىرۋدىڭ جالپى كولەمى – 5 جىل. 1000 جاس عالىمدى قولداۋعا ارنالعان قارجى كولەمى – 16,6 ملرد تەڭگە.

باعدارلاما قر عىلىم جانە جوعارى ءبىلىم مينيسترلىگىنە, عىلىم كوميتەتىنە جانە مينيسترلىكتىڭ ءتىل ساياساتى كوميتەتىنە ۆەدومستۆولىق باعىنىستى ۇيىمداردا عىلىمي زەرتتەۋلەرمەن اينالىساتىن عالىمدار ءۇشىن قولجەتىمدى. بۇل عالىمداردىڭ گرانتتىق نەمەسە باعدارلامالىق-نىسانالى قارجىلاندىرۋمەن عىلىمي جوبالارعا, سونداي-اق عىلىمي قىزمەت ناتيجەلەرىن كوممەرتسيالاندىرۋ جوبالارىنا قاتىسۋدى قوسا العاندا, كەمىندە ماگيستر دارەجەسى جانە عىلىمي-زەرتتەۋ جۇمىسىنىڭ كەمىندە 3 جىل تاجىريبەسى بولۋى ءتيىس.

عالىمدارعا ارنالعان تۇرعىن ءۇي باعدارلاماسى جىلدىق 5% ستاۆكا بويىنشا (جەس 5,2% باستاپ) ەڭ از باستاپقى جارنامەن 10%-دان نەسيە الۋعا مۇمكىندىك بەرەدى. باعدارلاماعا قاتىسۋشىعا بەرىلەتىن كرەديتتىڭ ەڭ كوپ سوماسى – 20 ملن تەڭگەگە دەيىن.

«جاسىل يپوتەكا» اياسىندا قارىز الۋ مۇمكىندىگى بار. نەسيەنىڭ ەڭ جوعارى سوماسى 35 ملن تەڭگەگە دەيىن. قارىز بويىنشا مولشەرلەمە – جىلدىق 8% (جەس 8,2%-دان باستاپ). باستاپقى جارنا 20%-دان 50%-عا دەيىن.

باعدارلاما ايماقتار بويىنشا تۇرعىن ءۇي تاڭداۋدى شەكتەمەيدى, ياعني ەلدىڭ كەز كەلگەن قالاسىندا جىلجىمايتىن م ۇلىك ساتىپ الۋعا مۇمكىندىك بەرەدى. قاتىسۋشىلاردىڭ ءتىزىمىن جۇمىس بەرۋشى قالىپتاستىرادى, ال كرەديتكە وتىنىمدەردى بانك عىلىمي مەكەمەلەر مەن جوعارى وقۋ ورىندارىنىڭ تىزىمىنە ەنگىزىلگەن ءتيىستى ۇيىمنىڭ جولداماسى نەگىزىندە قابىلدايدى.

باعدارلاماعا قاتىسۋشىنىڭ جانە ونىڭ وتباسى مۇشەلەرىنىڭ مەنشىگىندە سوڭعى 5 جىل ىشىندە باسپانا بولماۋى كەرەك. ۇمىتكەردىڭ جاسى 40-تان اسپاۋى قاجەت. كرەديت بەرۋدىڭ اشىقتىعى ماقساتىندا باعدارلامادا قارىز العان قاتىسۋشىلار تۋرالى اقپارات قارىز الۋشىلاردىڭ كەلىسىمىمەن بانكتىڭ رەسمي سايتىندا جاريالاناتىنى كوزدەلگەن.

«ديپلوممەن – اۋىلعا» باعدارلاماسى

جوبا تۇرعىن ءۇي ساتىپ الۋعا نەمەسە سالۋعا نەسيە بەرۋدى كوزدەيدى. قارىزدىڭ ەڭ جوعارى سوماسى – 1500 اەك-كە دەيىن. كرەديت بويىنشا مولشەرلەمە 0,01%-عا تەڭ (سەسۆ – جىلدىق 0,01%-دان باستاپ). سونداي-اق باعدارلاما شەڭبەرىندە اۋىلداردا كوتەرمە جاردەماقى تولەۋ قاراستىرىلعان. ازاماتتاردان وتىنىمدەر جىلجىمايتىن م ۇلىك پورتالىندا ونلاين رەجيمدە قابىلدانادى otbasybank.kz.

«ديپلوممەن – اۋىلعا» باعدارلاماسىنا كەز كەلگەن جاستاعى قازاقستاندىقتار قاتىسا الادى. ەڭ باستىسى, ولاردىڭ ديپلومى بار جانە بىرقاتار ماماندىق بويىنشا جۇمىس ىستەيدى. بۇل دەنساۋلىق ساقتاۋ, ءبىلىم بەرۋ, الەۋمەتتىك قامسىزداندىرۋ, مادەنيەت, سپورت, اگروونەركاسىپتىك كەشەن ماماندارى, اۋىلدىق وكرۋگتەر اكىمدەرى اپپاراتتارىنىڭ مەملەكەتتىك قىزمەتشىلەرى (اكىمدەر مەن اكىمدەردىڭ ورىنباسارلارىن قوسپاعاندا).

اۋداندىق اكىمدىكتەر مەن وبلىستىق ماڭىزى بار قالالاردىڭ اكىمدىكتەرى جىل سايىن ءوز ەلدى مەكەنىندە جوعارىدا اتالعان ماماندىقتاردان تالاپ ەتىلەتىن قىزمەتكەرلەردىڭ تىزبەسىن جاسايدى جانە سول تىزبە شەڭبەرىندە مەملەكەتتىك قولداۋ كورسەتىلەدى.

زايم (قارىز) – مامان جۇمىس ىستەيتىن ەلدى مەكەندە تۇرعىن ءۇي ساتىپ الۋعا نەمەسە سالۋعا بەرىلەدى. نەسيەنىڭ ماكسيمالدى مەرزىمى – 15 جىل. شارت بويىنشا جوباعا قاتىسۋشى اۋىلدىق جەرلەردە ماماندىق بويىنشا 3 جىل جۇمىس ىستەۋى كەرەك.