«وسىدان كەيىن باعى جانىپ كەتسىن»: اعىلشىنشا ەركىن سويلەيتىن تۇركىستاندىق كۇزەتشى ەلدى تاڭقالدىردى (ۆيدەو)

فوتو:  zakon.kz

جەلى قولدانۋشىلارى ۆيدەوداعى ەر ادام كۇزەتشى ەمەس, مۇعالىم, اۋدارماشى نەمەسە گيد بولىپ جۇمىس ىستەۋگە لايىق ەكەنىن جازدى.

جەلىدە اعىلشىن ءتىلىن جەتىك بىلەتىن تۇركىستانداعى قوجا احمەت ياساۋي كەسەنەسى كۇزەتشىسىنىڭ ۆيدەوسى تارادى, دەپ حابارلايدى qandastar.kz  Skifnews.kz اقپارات پورتالىنا سىلتەمە جاساپ.

TikTok جەلىسىندە جاريالانعان ۆيدەودان كۇزەتشى ەر ازامات كەسەنە ىشىندە شەتەلدىكتەرمەن اعىلشىنشا ەركىن سويلەسىپ تۇرعانىن كورۋگە بولادى.

ء«بىلىم بار, تانىس جوق دەگەن وسى», – دەلىنگەن ۆيدەونىڭ سيپاتتاماسىندا.

جەلى قولدانۋشىلارى ۆيدەوداعى ەر ادام كۇزەتشى ەمەس, مۇعالىم, اۋدارماشى نەمەسە گيد بولىپ جۇمىس ىستەۋگە لايىق ەكەنىن جازدى.

«كۇزەتشى اعىلشىنشا سويلەپ تۇرعانىن كورگەن شەتەلدىكتەر تاڭقالعان شىعار», «باۋىرىمىز كۇزەتشى بولىپ قور بولىپ ءجۇر ەكەن, اعىلشىن مۇعالىمى بولسا بولار ەدى», «بۇل كىسىنى كورگەنمىن, كەسەنەنىڭ اينالاسىندا جۇرەدى. وتە ءبىلىمدى بۇكىل تۋريستەرگە ءتۇسىندىرىپ جۇرەدى», «وسى ۆيدەودان كەيىن اعامىزدىڭ باعى جانىپ كەتسىن», ء«ار قازاعىم وسىنداي جانجاقتى, بىلىمگە باي بولسىن», – دەپ جازدى جەلى قولدانۋشىلارى.