جاڭالىقتار
وتا 2 ساعاتقا سوزىلدى: قازاقستاندىق دارىگەرلەر ناۋقاستىڭ ىشىنەن 30 كەلىلىك قاتەرلى ىسىكتى الىپ تاستادى
فوتو: قازاق ونكولوگيا جانە راديولوگيا عىلىمي-زەرتتەۋ ينستيتۋتى
الماتىدا قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ دارىگەرلەرى ناۋقاس ايەلدىڭ ىشىنەن سالماعى 30 كەلى قاتەرلى ىسىكتى الىپ تاستادى. بۇل تۋرالى Stan.kz اقپارات اگەنتتىگى حابارلايدى.
ونكوگينەكولوگتار توبى بۇرىن-سوڭدى بولماعان وتا جاسادى. 65 جاستاعى ايەل ءىشى اۋىرىپ, ءىسىپ كەتكەنىن ايتىپ, اۋرۋحاناعا كەلگەن. دارىگەرلەردىڭ ايتۋىنشا, ناۋقاس العاش رەت 2023 جىلى ءىشىنىڭ تومەنگى جاعى اۋىراتىنىن ايتىپ كەلگەن. 2024 جىلى ماۋسىم ايىنان باستاپ ايەلدىڭ ءىشى ءىسىنىپ, ءجۇرۋى قيىنداي ءتۇستى. ءىش قۋىسىنىڭ كومپيۋتەرلىك توموگرافياسىن تۇسىرگەندە جامباس سۇيەگىنەن ۇلكەن ىسىك انىقتالدى.
قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ باسشىسى 13 تامىزدا ونكوگينەكولوگيا ورتالىعىندا ناۋقاستىڭ سىرقاتى تۋرالى تالقىلانىپ, دەرەۋ حيرۋرگيالىق وتا جاساۋ ۇسىنىلعانىن ايتتى. ايەل اۋرۋحاناعا جاتقىزىلىپ, وعان شۇعىل وتا جاسالدى.
ءۇش كەزەڭنەن تۇرعان وتا 2 ساعاتقا سوزىلدى. گيستولوگيالىق زەرتتەۋ ناتيجەلەرى بويىنشا ناۋقاسقا انالىق بەزدىڭ قاتەرلى ىسىگى دەگەن دياگنوز قويىلدى. ناۋقاستىڭ اياعىنداعى تامىرلارى اۋىراتىندىقتان دارىگەرلەر الدىمەن ەكى جاقتى كروسسەكتوميا جاسادى. ودان كەيىن وڭ جاق انالىق بەزدىڭ ۇلكەن ىسىگى الىنىپ تاستالىپ, تولىق ادنەكسالدى گيستەرەكتوميا جاسالدى. سونداي-اق دارىگەرلەر ۇلكەن سۇيەك قابىعىن الىپ تاستادى. وپەراتسيانىڭ سوڭعى كەزەڭىنە سوزىلعان ءىشتىڭ الدىڭعى قابىرعاسىن تۇزەتۋ ءۇشىن ابدومينوپلاستيكا جاسادى.
دارىگەرلەر ءوز تاجىريبەسىندە مۇنداي وتالار بولعانىن ايتتى. الايدا مۇنداي ۇلكەن قاتەرلى ىسىكتى العاش رەت كورۋى.
“جىل سايىن ءبىزدىڭ ينستيتۋتتا وسىنداي كلينيكالىق جاعدايلار بولىپ تۇرادى. دەگەنمەن بۇل ناۋقاستا انىقتالعان انالىق بەز ىسىگىنىڭ كولەمى ءبىزدى عانا ەمەس, سونىمەن قاتار اقش, ۇلىبريتانيا, تمد مەن وكەانيا ەلدەرىندەگى جەتەكشى ونكولوگيالىق مەكەمەلەردەگى ارىپتەستەرىمىزدى دە تاڭعالدىردى. ولاردىڭ تاجىريبەسىندە بۇرىن-سوڭدى مۇنداي كولەمدى ىسىك بولماعان. الىنعان تىعىز كاپسۋلالى ىسىكتىڭ سالماعى شامامەن 30-35 كەلى بولدى”, – دەيدى قازاقستان ونكولوگيا جانە راديولوگيا عىلىمي-زەرتتەۋ ينستيتۋتىنىڭ باسشىسى ديليارا قايداروۆا.
بۇعان دەيىن جامبىل وبلىسىندا دارىگەرلەر ناۋقاستىڭ ىشىنەن 6 كەلىلىك قاتەرلى ىسىكتى الىپ تاستاعان ەدى.
