Otandyq dáriger jappaı shetelge ketip jatyr

Foto: ashyq derekkóz

Telejúrgizýshi Armangúl Toqtamurat otandyq dárigerlerdiń jappaı shetelge ketip jatqanyna alańdaýshylyq bildirdi,  dep jazdy qandastar.kz

«Eki myqty ári jas gastroenterolog, gepotolog shetelge ketti… «Dárigerlerge basshylyqtan qysym kóp, mamandar jumystan ketip jatyr» — dep másele kóteripti depýtat Nurgúl Taý. Kadr tapshylyǵynyń negizi osy depti. Myqty mamandardyń shet elge ketip jatýyna túrtki kóp faktorlardyń biri de osy bolýy múmkin. Iaǵnı, baǵalamaý.

Anam (marqum) baýyr ırrozymen uzaq jyldar aýyrdy. 2017 jyly baýyry transplantaııalandy. Ony bilikti dáriger Jaqsylyq Dosqalıev jasady. Operaııadan keıin anam 1,5 aıdaı Ulttyq ǵylymı medıınalyq ortalyǵynda jatty. Sol kezde bir jas jigit boldy, atyn umyttym. Gastroenterolog. Jas bolsa da, óz jumysyn keremet biletin. Zamanaýı qurylǵylardyń tilin jetik meńgergen. Gıppokratqa bergen antyn artyǵymen oryndaıtyn. Qazaqsha, oryssha, aǵylshynsha erkin sóıleıtin. Tańdanyp, tamsanyp, qurmetteıtinbiz. Sol jigit Japonııaǵa ketip qaldy. Shaqyrtýmen sol jaqtaǵy medıına salasynda jumys isteýge.

Keıin anam aýrýhanadan shyqqan soń, turaqty dáriger baqylaýynda boldy. Transplantologııa ortalyǵynda Qaharman Esmembetov(sýrtette) degen gastroenterolog, gepotolog mamanǵa tap boldyq. Jas ta bolsa, bilikti, uqypty, jaýapty boldy. Mamamdy ýaqytynda shaqyryp, ár analız nátıjesin muqııat qarap, em-domdy mólsherimen jazyp, apa dep búge-shúgesine deıin erinbeı túsindirip beretin, qazaqsha. Tipti, «zeınetkersiz ǵoı» dep arzan dárilerdiń qaı aptekada satylatynyna deıin aıtatyn. Keıin Koreıadaǵy klınıkadan shaqyrtý alyp, otbasymen kóship ketti. Biz otbasymyzben jaqsy kóretinbiz. Ketkende kádimgideı kóńilimiz qulazydy. Keıinnen biraz dárigerdiń baqylaýynda boldyq, unamady. Sóıtip, Dosqalıevke qaıta bardyq.

Aıtpaǵym, myqty mamandar boldy, qazir de bar. Biraq, alyp qala almaı jatyrmyz. О́kinishti…», — dep jazdy ol áleýmettik jelidegi paraqshasynda.