«Otandyq dárigerler durys dıagnoz qoımaǵan»: 9 jyl boıy bedeýlikten emdelgen qazaqstandyq eki bala dúnıege ákeldi

Foto:Otbasylyq muraǵattan

9 jyl boıy bedeýlikten emdelgen Balnur Baısabaeva túrkııalyq dárigerlerdiń biliktiligimen alǵash ret ana atanǵan. Qazaqstandyq kelinshek Stan.kz-ke 9 jyl buryn otandyq dárigerlerdiń durys dıagnoz qoımaı, saldarynan bala kótere almaǵanyn aıtyp berdi. Onyń sózinshe, ózine qoıylǵan dıagnozdyń belgilerin Balnur jasóspirim kezden baıqaǵan, dep jazdy qandastar.kz

“Dárigerler bala kótere alatynyma kepildik bermedi”

Balnur Baısabaeva almatylyq dárigerler osydan 9 jyl buryn ózine “bedeýlik” degen dıagnozdy qoıǵanyn aıtty. Biraq dárigerdiń eminen densaýlyǵy kerisinshe, nasharlaı bastaǵan.

“2013 jyly reprodýktıvti júıemdi teksertip, qarala bastaǵanda dárigerler maǵan bedeýlik degen dıagnoz qoıdy. Únemi etekkirim ýaqytyly kelmeıtin. Osynyń sebebin bilgim keldi. Bul syrqattyń belgilerin jasóspirim kezden baıqadym. Barlyq qyzdyń etekkiri kele bastaǵanda, mende ondaı eshteńe bolǵan joq. Gınekolog mamandar maǵan gormonaldy dárilerdi jazyp berdi. Eshteńe túsindirgen joq. Men qaralǵan emhananyń birinde “bedeýsiń” dep jazyp berdi. 22 jasymda munyń osynshalyqty aýqymdy másele ekenin túsinbedim. Gınekologtar jazyp bergen gormonaldy dáriler etekkirdiń ıklin qalypqa keltirdi. Alaıda dárilerdiń saldarynan densaýlyǵym nasharlaı bastady. Salmaq qosyp, denemniń terisi nashar kúıge jetti. Árıne, janymda serigimniń bolmaýyna baılanysty eshbir dárigerler bala kótere alatynyma eshqandaı kepildik bermedi”, – deıdi Balnur Janatqyzy.

Keıipkerimiz súıiktisiniń dárigerler qoıǵan dıagnozyna qaramastan otbasylyq ómirge qadam jasaýǵa usynys jasaǵanyn aıtady.

“Kóbi áıel bala kótere almasy buǵan deıin jasandy túsik jasatqan dep oılaıdy. Meniń túsinigimde, eger júktilik áıeldiń nemese uryqtyń densaýlyǵyna keri áser etse ǵana abort jasaý kerek. О́zim jasandy túsik jasatýǵa qarsymyn jáne ómirimde abort jasatyp kórmegem. Kúıeýimiz ekeýimiz 2020 jyly shańyraq kóterdik. Úılengen soń balaly bolýdy josparlap, Almatydaǵy gınekolog dárigerdiń qabyldaýynda boldyq. Biraq eshqandaı nátıje bolmady. Bala kótere almaǵan soń 1-2 jyldaı ózimiz úshin ómir súreıik degen sheshimge keldik. Saıahattadyq, ómirimizige ózgerister engizip, Túrkııaǵa kóship kettik”, – deıdi Balnur Baısabaeva.

Onyń aıtýynsha, kúıeýi onyń dıagnozyn emdelmeıtin syrqat emes, jaı ǵana gormonaldy buzylys dep qabyldaǵan jáne áıeliniń bala kótere alatynyna kúmánsiz sengen.

“Qazaqstandyq dárigerler durys dıagnoz qoımaǵan”

Túrkııaǵa kóshken soń jas otbasy balaly bolýdy armandaǵan. Taǵdyr aıdap barǵandaı Balnur Túrkııada qazaqstandyq dárigerlerdiń ózine durys dıagnoz qoımaǵanyn biledi.

“2021 jyly kúıeýimmen ýaqytsha Túrkııada turamyz dep sheship, sonda kóship kettik. Biz balaly bolýdy armandadyq. Túrkııada medıına salasynyń damyǵanyn bilemiz. Sóıtip sonda júrip tekserýden ótemin dep sheshtim. Tanystarym usynǵan gınekolog dárigerdiń qabyldaýyna jazyldym. Maǵan polıkıstozdy analyq bez sındromy degen dıagnoz qoıdy. Dáriger munyń qandaı dıagnoz ekenin, onyń sebebi men saldaryn jáne onyń emdelý jolyn birinshi qabyldaýda-aq túsindirdi. Eń bastysy – men bala súıe alatynymdy túsindim”, – deıdi kelinshek.

Foto: Otbasylyq muraǵattan

Keıipkerimiz durys dıagnozdy tek 2022 jyly ǵana túrkııalyq dárigerlerden estigen.

“Bedeýlik” degen dıagnoz qoıǵan soń qatty ýaıymǵa salyndym. Eshqashan bala súıe almaımyn dep oıladym. Eshbir dáriger meniń dıagnozymdy qarapaıym tilde túsindirgen joq, bedeýliktiń qandaı túri ekenin naqtylap aıtpady. Men bul dıagnozdyń emdeletinin ne emdelmeıtinin bilmedim. Osylaısha, 9 jyl bedeýlikpen kúrestim. Tek 2022 jyly Túrkııaǵa barǵanda naqty dıagnozdy bildim. Túrkııalyq dárigerler mendegi bedeýlikti qalaı emdeýge bolatynyn aıtyp berdi”, – deıdi keıipker.

Dárigerler Balnurǵa polıkıstozdy analyq bez sındromynyń basty belgisi – etekkirdiń bolmaýy ekenin aıtqan. Sol sebepti keıipkerimiz analarǵa qyzdarmen ashyq sóılesip, mundaı taqyrypty qozǵaýǵa keńes berdi. Dárigerdiń sózin keltirgen keıipker polıkıstozdy analyq bez sındromy kezinde etekkirdiń kelýi buzylyp, ovýlıaııanyń bolmaýyna ákeletinin aıtty. Osylaısha, jatyrǵa balanyń bitýi qıyndaıtyn kórinedi.

“Bedeýlik” degen dıagnoz qoılyǵan soń ýaıymshyl bolyp kettim. Ashýlanshaq bolyp, abyrjyp, jylaǵan sátterim kóp boldy. Sol sebepti qyz-kelinshekterge aıtarym, bulaı istemeńizder. Ár nárseniń óz ýaqyty bolady. Eshteńeden qoryqpaı, maqsatqa jetý úshin áreket etý kerek”, – deıdi Balnur bala súıgisi kep júrgen qyz-kelinshekterge shabyt berip.

“Dıagnoz týraly kúıeýim ekeýimiz ǵana bildik”

Aıtýynsha, kúıeýi men jaqyndary dárigerler qoıǵan dıagnozǵa túsinistikpen qaraǵan. Alaıda qoǵamnan qysym kórgenin jasyrmady.

“Men keremet áýletke kelin bolyp tústim. Ata-enem, kúıeýimniń ápke-qaryndastary, tipti týystarynyń bireýi de menen “ne sebepti bala kótere almaı júrsiń?” dep suraǵan emes. Kúıeýim únemi qoldaý kórsetti. О́ıtkeni ol ne sebepti balaly bola almaı júrgenimizdi jaqsy túsindi. Qoǵamda, árıne, orynsyz suraqtar qoıyp, qyzyǵýshylyq tanytqan adamdar boldy. Biraq men olardiń sózine mán bermedim. Maǵan “bedeýlik” degen dıagnozdyń qoıylǵanyn kúıeýim ekeýimiz ǵana bildik”, – deıdi kelinshek.

“Jalpy emge 105 800 teńge jumsadyq”

Balnur syrqatynan aıyǵý úshin sheteldik dárigerler qandaı em-dom jasaǵanyn aıtyp berdi.

“Dáriger ovýlıaııanyń bolýyna jaǵdaı jasaý keregin aıtty jáne biz solaı istedik. Birinshi kúni etekkir kelýi úshin dári ishtim, ekinshi kúni ovýlıaııa shaqyratyn dári qabyldadym. Emniń altynshy kúni arnaıy dárigerdiń nusqaýymen beriletin dári ektim. 2022 jyly jalpy emge 105 800 teńge jumsadyq. Dáriger emdeý proesin saǵattarǵa bólip tastady. Belgilengen ýaqytta dári iship, belgilengen saǵatta ıne saldy. Osydan keıin bala kóteretinime sendim. Osylaısha, esh qıyndyqsyz kóp uzamaı júkti ekenimdi bildim. Aıaǵym aýyr ekenin bilgendegi sezimdi sózben aıtyp jetkize almaımyn. Arqama qanat bitip, tóbem kókke jeterdeı qýandym. Barlyq áıeldiń osy sezimdi bastan ótkerip, ana bolý baqytyna bólesin”, – dep Balnur ózimen taǵdyrlan qyz-kelinshekterge tilektes ekenin jetkizdi.

Balnurdyń aıtýynsha, bala kótererde ózi eshqandaı tús kórmegen. Biraq qurbysy Balnurdyń júktiligi týraly tús kórgen. Enesi de de túsinde balyq kórgen eken. Al bizdiń tús jorý boıynsha, túsińde balyq kórý – balaly bolýdy bildiredi. Jas otbasy súıinshi jańalyqty jaqyndaryna 3 aı bolǵanda ǵana habarlaǵan.

Foto: Otbasylyq muraǵattan

“Tuńǵyshym 10 aılyq kezinde qyzyma júkti ekenimdi bildim”

Keıipkerimiz qursaǵyna bala bitken soń da ýaıymy basylmaǵanyn jasyrmady. Ol sol kezde eki ese jaýapkershik arqalaǵanyn túsingen.

“Kópten kútken sábı bolǵandyqtan onyń qaýipsizdigi úshin qatty qoryqtym jáne ol úshin ýaıymdadym. Biraq ýaıymdaıtyndaı esh sebep joq edi. Menińshe, bala kútip júrgen árbir áıel ýaıymshyl keledi jáne bul qalypty nárse. Bul týraly kóp aıtylmaıdy. Buryn júkti áıelge moraldik turǵydan qanshalyqty qıyn ekenin túsinbeıtinmin. Júkti áıel ózine ǵana emes, qursaǵyndaǵy bala úshin de jaýapty. Tuńǵyshymdy 32 jasymda bosandym. Qazir ulym 1 jas 9 aılyq. Osydan eki aı buryn ekinshi balamdy dúnıege ákeldim. Osylaısha 33 jasymda eki balanyń anasy atandym. Negizi ekinshi balany josparlamap edik. Biraq ulym 10 aılyq kezinde júkti ekenimdi bildim. Ekinshi balamdy kótererde eshqandaı em-dom alǵan joqpyn. Meniń oıymsha, birinshi balamdy bosanǵan soń aǵzam jańardy”, – deıdi eki balanyń anasy.

Balnur bosanǵanǵa deıin de, keıin de kúıeýi men jaqyndarynyń qoldanýynyń arqasynda alańsyz kútingenin aıtady. Ol qazir súıikti jar, baqytty ana.

“Dárigerler meni kesar tiligi arqyly bosandyryp aldy. Bosanýǵa ishteı daıyndalǵandyqtan men úshin bári jeńil ótti. Bosanǵan soń ata-anam, ata-enem janymda bolyp, únemi kómektesip júrdi. Eshteńeden qınalǵan joqpyn. Men bosanǵan kezde kúıeýim Túrkııada jumysta edi. Dárigerler josparly kesar tiligin jasaǵandyqtan kúıeýimdi seriktestik bosandyrýǵa alyp kirý týraly múldem oılamappyn. Biraq múmkindik bolsa, er adamnyń seriktestik bosanýǵa kirýin qoldaımyn. Bosanǵannan keıin alǵashqy bes kún qatty aýyrdym. Júrip-turýym qıyn boldy. Janymda jatqan kelinshek kóp kómektesti. Al úıge barǵan soń anam janymda bolyp, bar jaǵdaıymdy jasady. Osylaısha tez ári tolyqtaı qalpyma keldim”, – deıdi Balnur Baısabaeva.