وتاندىق وندىرۋشىلەر نارىعى ۇلعايادى

ەلىمىزدە وتاندىق ءوندىرىس كومپانيالارى ءۇشىن تاپسىرىس مەرزىمى ۇزارۋى مۇمكىن. ياعني مەملەكەتتىك جانە كۆازيمەملەكەتتىك سەكتور كاسىپكەرلەرمەن 1 جىلعا ەمەس 5 جىلعا كەلىسىم-شارت جاساسادى. ال يمپورتتىق تاۋارلارعا قويىلاتىن تالاپتار كۇشەيەدى.

ونىمدەردىڭ ساپاسىنا زەرتحانالىق تەكسەرۋلەر ارقىلى باقىلاۋ جۇرگىزىلەدى. «بۇل ءوز كەزەگىندە دەمپينگتىڭ الدىن الۋعا مۇمكىندىك بەرەدى», – دەيدى ونەركاسىپ جانە قۇرىلىس ءمينيسترى قانات شارلاپاەۆ. شىمكەنت قالاسىنا جۇمىس ساپارىمەن بارعان ۆەدومستۆو باسشىسى بىرقاتار ءوندىرىس ورىندارىن ارالادى.

ترانسفورماتور زاۋىتىندا بولىپ, توقىما فابريكاسىنىڭ جۇمىسىمەن تانىستى. قانات شارلاپاەۆ ەلدەگى توزىعى جەتكەن ىشكى ينجەنەرلىك جۇيەلەردى جاڭعىرتۋعا وتاندىق كومپانيالاردىڭ مۇمكىندىگى مول ەكەنىن اتاپ ءوتتى. قانات شارلاپاەۆ, قر ونەركاسىپ جانە قۇرىلىس ءمينيسترى: – زاگرۋزكانى ۇلعايتۋ ءۇشىن ءبىز مەملەكەتتىك, كۆازيمەملەكەتتىك كومپانيالارعا تاپسىرما بەرەمىز. تەك وسى وتاندىق كاسىپورىندارمەن جۇمىس ىستەۋ ءۇشىن.

باسقا ەلدەردىڭ كاسىپورىندارى, وندىرۋشىلەرى كىشكەنە دەمپينگ جاساپ جاتىر. جاقسى, ناقتى سەرتيفيكاتسيا جاساۋ. سونىمەن ءبىز ساۋدا مينيسترلىگىمەن بىرلەسىپ, وسى جۇمىستى جالعاستىرامىز.