وتاردا كوماعا تۇسكەن سارباز الماتىداعى اسكەري گوسپيتالگە اۋىستىرىلدى

جامبىل وبلىسىندا كوماعا تۇسكەن قوستانايلىق ساربازدىڭ جاعدايى ءالى دە اۋىر. نۇرجىگىت ءابدىلپاتتا قازىرگى تاڭدا الماتى قالاسىنداعى اسكەري-كلينيكالىق گوسپيتالىنە اۋىستىرىلدى. ال ءىىم وڭتۇستىك وڭىرلىك اسكەري تەرگەۋ باسقارماسى كەلىسىمشارت بويىنشا اسكەري قىزمەتشىگە قاتىستى قىلمىستىق ءىس اياسىندا تەرگەۋ جۇرگىزىپ جاتىر,-دەپ حابارلايدى Qandastar.kz

بۇل تۋرالى قورعانىس ءمينيسترىنىڭ ورىنباسارى دارحان احمەديەۆتىڭ پورتال تىلشىسىنە بەرگەن جاۋابىنان بەلگىلى بولدى.

ۆەدومستۆو وكىلىنىڭ حابارلاماسىنا سۇيەنسەك, نۇرجىگىت ءابدىلپاتتانىڭ جاعدايى اۋىر دەپ باعالانىپ وتىر. سارباز 17 ماۋسىمدا قورداي اۋدانىنىڭ ورتالىق اۋرۋحاناسىنان الماتىعا جەتكىزىلدى. «17 ماۋسىمدا سارباز الماتى قالاسى اسكەري-كلينيكالىق گوسپيتىلىنە اۋىستىرىلىپ, وعان بارلىق قاجەتتى مەديتسينالىق كومەك كورسەتىلىپ جاتىر. سارباز ەمدەۋ مەكەمەسىنە تۇسكەن كەزدە ونىڭ دەنەسىنەن قانداي دا ءبىر جاراقات انىقتالماعان.

اتالعان وقيعا بويىنشا ىشكى ىستەر مينيسترلىگىنىڭ وڭتۇستىك وڭىرلىك اسكەري تەرگەۋ باسقارماسى كەلىسىمشارت بويىنشا اسكەري قىزمەتشى كىشى سەرجانت د.ت.-عا قاتىستى قىلمىستىق كودەكستىڭ 451-بابىنىڭ 1-بولىمىمەن (بيلiكتi اسىرا پايدالانۋ) قىلمىستىق ءىس قوزعاپ, تەرگەۋ امالدارىن جۇرگىزىپ جاتىر. ساربازدىڭ سىرقاتتانۋ سەبەبى جانە ونىڭ كۇدىكتىنىڭ ارەكەتىمەن سەبەپتى بايلانىسى بار-جوعى تەرگەۋ بارىسىندا انىقتالادى», – دەلىنگەن جاۋاپتا.