Otarda komaǵa túsken sarbaz Almatydaǵy áskerı gospıtalge aýystyryldy

Jambyl oblysynda komaǵa túsken qostanaılyq sarbazdyń jaǵdaıy áli de aýyr. Nurjigit Ábdilpatta qazirgi tańda Almaty qalasyndaǵy Áskerı-klınıkalyq gospıtaline aýystyryldy. Al IIM Ońtústik óńirlik áskerı tergeý basqarmasy kelisimshart boıynsha áskerı qyzmetshige qatysty qylmystyq is aıasynda tergeý júrgizip jatyr,-dep habarlaıdy Qandastar.kz

Bul týraly Qorǵanys mınıstriniń orynbasary Darhan Ahmedıevtiń portal tilshisine bergen jaýabynan belgili boldy.

Vedomstvo ókiliniń habarlamasyna súıensek, Nurjigit Ábdilpattanyń jaǵdaıy aýyr dep baǵalanyp otyr. Sarbaz 17 maýsymda Qordaı aýdanynyń ortalyq aýrýhanasynan Almatyǵa jetkizildi. «17 maýsymda sarbaz Almaty qalasy Áskerı-klınıkalyq gospıtiline aýystyrylyp, oǵan barlyq qajetti medıınalyq kómek kórsetilip jatyr. Sarbaz emdeý mekemesine túsken kezde onyń denesinen qandaı da bir jaraqat anyqtalmaǵan.

Atalǵan oqıǵa boıynsha Ishki ister mınıstrliginiń Ońtústik óńirlik áskerı tergeý basqarmasy kelisimshart boıynsha áskerı qyzmetshi kishi serjant D.T.-ǵa qatysty Qylmystyq kodekstiń 451-babynyń 1-bólimimen (Bılikti asyra paıdalaný) qylmystyq is qozǵap, tergeý amaldaryn júrgizip jatyr. Sarbazdyń syrqattaný sebebi jáne onyń kúdiktiniń áreketimen sebepti baılanysy bar-joǵy tergeý barysynda anyqtalady», – delingen jaýapta.