«وتباسى بانك» وكىلى جاڭا باعدارلاما بويىنشا باسپانالى بولعىسى كەلەتىندەردى اسىقپاۋعا شاقىردى

جانسۇلتان ماتاي جاڭا يپوتەكالىق باعدارلاما بويىنشا قازاقستاندىقتار ءوتىنىم بەرۋگە ءالى ۇلگەرەتىنىن ايتتى. «اسىعىستىققا جول بەرمەۋ ءۇشىن «وتباسى بانكىندە» وتىنىمدەردى قابىلداۋ مەرزىمى الەۋەتتى قاتىسۋشىلار ءۇشىن بارىنشا قولايلى بولدى: بۇل ءۇشىن ولارعا تاعى ءبىر جارىم اي ۋاقىت بار, ياعني ماۋسىمنىڭ سوڭىنا دەيىن وتىنىمدەردى قابىلدانادى. سوندىقتان اسىعىستىق تانىتپاي, قۇجاتتارىڭىزدى رەتكە كەلتىرۋگە, بارلىعىنىڭ سايكەستىگىن تەكسەرۋگە كەڭەس بەرەمىز», – دەدى ول. ونىڭ ايتۋىنشا, وتىنىشتەر اياقتالعاننان كەيىن عانا قورىتىندى شىعارىلادى. «وتىنىمدەردىڭ بەرىلگەن ۋاقىتى ماڭىزدى ءرول وينامايدى. وتىنىمدەردى قابىلداۋ مەرزىمى اياقتالعاننان كەيىن, ياعني قاتىسۋشىلاردىڭ وتىنىمدەرى جيناعان ەڭ جوعارى ۇپايعا سايكەس قارالادى», – دەدى ول.

قانداي ۇپايلار بەرىلەدى: دەپوزيت بويىنشا سىياقى مولشەرى ءاربىر 1000 تەڭگە ءۇشىن – 1 ۇپاي; تىركەلگەن نەكەنىڭ بولۋى – 5 بالل; بالالاردىڭ بولۋى – 10 بالل (بالالار سانىنا قاراماستان); حالىقتىڭ الەۋمەتتiك جاعىنان وسال توپتارى مارتەبەسiنiڭ بولۋى ء(سوج) – 10 بالل; جاسى 35 جاسقا دەيىن (قوسا العاندا) – 5 بالل;

«ەگەر ۇپايلار سانى سايكەس كەلسە, وندا سالىم سوماسى كوبىرەك جانە جيناقتاۋ مەرزىمى ۇزاعىراق بولسا, تىزىمگە ەنگىزۋگە باسىمدىق بەرىلەدى. «ناۋرىز» باعدارلاماسىنا قاتىسۋعا ۇمىتكەرلەر, اتاپ ايتقاندا, قاتىسۋشىلار ءتىزىمى شىعادى. ەگەر باعدارلاماعا قاتىسۋشى نەسيە الۋعا رۇقسات بەرىلگەن ەكى اي ۋاقىت بەرىلەدى. سونداي-اق باسپانا تابۋعا 6 اي ۋاقىت بەرىلەدى», – دەدى جانسۇلتان ماتاي.