Otbasy bank jańa ıpotekalyq baǵdarlamany iske qosty

Foto: ashyq derekkóz

«Otbasy bank» pen Almaty oblysynyń ákimdigi óńirlik «Alataý» turǵyn úı baǵdarlamasyn iske qosty, – dep habarlaıdy qandastar.kz.

Baǵdarlamaǵa densaýlyq saqtaý, bilim berý, mádenıet, sport, energetıka, kommýnaldyq sharýashylyq, áleýmettik sala qyzmetkerleri, sondaı-aq memlekettik qyzmetshiler qatysa alady (turǵyn úı tólemin alatyn kúshtik qurylymdar qyzmetkerlerinen basqa).

«Alataý» baǵdarlamasynyń sharttary:

• Nesıe somasynyń eń joǵary mólsheri – 30 mıllıon teńgege deıin;

• Bastapqy jarna – 10%-dan bastap;

• Syıaqy mólsherlemesi – jyldyq 5% (JTSM 5,1%-dan 6,9%-ǵa deıin);

• Satyp alynatyn turǵyn úı – Almaty oblysyndaǵy alǵashqy naryqtaǵy páterler.

Qatysýshylarǵa qoıylatyn negizgi talaptar:

• Jasy – 18-den 60 jasqa deıin;

• О́zi men otbasy músheleriniń atyna tirkelgen turǵyn úıdiń nemese úlestiń bolmaýy;

• Satyp alý quqyǵymen jalǵa beriletin baspanaǵa ıe bolmaýy;

• Almaty oblysynda keminde 24 aı resmı eńbek ótili jáne mindetti zeınetaqy aýdarymdarynyń bolýy.

Irikteý qalaı ótedi?

О́tinishter Almaty oblysynyń Turǵyn úı-kommýnaldyq sharýashylyǵy jáne abattandyrý basqarmasynda qabyldanady. Mekenjaıy: Qonaev qalasy, Qonaev dańǵyly 7/2, 1-qabat.

О́zińizben birge kelesi qujattar bolýy qajet:

• jeke kýálik;

• belgilengen úlgidegi qaǵaz túrindegi ótinish;

• eńbek ótilin rastaıtyn jumys ornynan anyqtama;

• kórsetilgen eńbek ótili kezeńindegi zeınetaqy aýdarymdary týraly anyqtama;

• ótinish berýshiniń jáne otbasy músheleriniń (jubaıy, kámeletke tolmaǵan balalary) atyna Qazaqstan Respýblıkasynyń aýmaǵynda turǵyn úı tirkelmegenin rastaıtyn anyqtama;

• sportshylar úshin: álem chempıonaty men Azııa oıyndarynyń chempıony/júldegeri mártebesin rastaıtyn qujattar;

• balalardyń týý týraly kýáligi;

• nekeni tirkeý týraly kýálik.

Qatysýshylar tizimin ákimdik janynan qurylǵan turǵyn úı komıssııasy jasaqtaıdy. Komıssııa ókilderi ótinishterdi baldyq júıe boıynsha baǵalaıdy. Munda nekede bolýy, balalar sany jáne eńbek ótili eskeriledi. Keıin baǵdarlama qatysýshylaryna Otbasy bankke nesıe ótinimin tapsyrý úshin joldama beriledi.