وتباسى – باستى قۇندىلىق

ناۋرىز مەيرامى قارساڭىندا وتباسىلىق قۇندىلىقتاردى دا ايرىقشا دارىپتەۋ ماڭىزدى. مىسالى, قاراعاندى وبلىسى, اباي قالاسىندا تۇراتىن ايتجانوۆتار وتباسى كوپكە ۇلگى.

وشاراپ پەن روزا ايتجانوۆا ءبىر ءبىرىن بالا كۇنىنەن تانيدى. ولار ءبىر اۋىلدا تۋىپ وسكەن. قولاڭ شاشى يىعىنا توگىلگەن بيجەتكەنگە بوزبالا وشاراپ سەزىمىن ءبىلدىرىپ, وتباسىن قۇرۋ تۋرالى ۇسىنىس جاسايدى. مىنە, سودان بەرى ارادا 50 جىل زىرعىپ وتە شىقتى.  وشاراپ ايتجانوۆ, اباي قالاسىنىڭ تۇرعىنى: — ادامگەرشىلىگى جاقسى, بالالارعا جاقسى قارايدى. قولىنان ءبارى كەلەدى. قانداي تاماق, ول تۋرالى پروبلەما جوق.

بارلىعى كەلەدى قولىنان. ءبىر جاعىنان اقىلدى. تانىسقاننان كەيىن ايتتىم شەشەمە. شەشەمە ۇناي كەتتى. ءسويتىپ بارىپ, قۇدا ءتۇسىپ, سودان كەيىن ۇيلەنىپ كەتتىك. كەنشىلەر وتباسىندا وسكەن وشاراپ قارپەك ۇلى 30 جىلدان استام ۋاقىت بويى شاحتادا بەل جازباستان ەڭبەك ەتتى. بۇگىندە قۇرمەتتى دەمالىستا. التىن اسىقتاي قوس ۇلى اكە جولىن قۋىپ, كەنشىلىك ماماندىقتى تاڭدادى. ال روزا مەديانقىزى – كىتاپحاناشى. ول قازىر دە كىتاپحانادا جۇمىس ىستەيدى. ۇل-قىزىن كوركەم ادەبيەت وقۋعا باۋلىپ, گۇل ءوسىرۋدى ۇيرەتكەن. «ءبىز ءبىر بىرىمىزگە كەشىرىمدى بولا بىلدىك. بۇل ەڭ باستى وتباسىلىق قۇندىلىق», — دەيدى ول. روزا ايتجانوۆا, اباي قالاسىنىڭ تۇرعىنى: — ءبىر بىرىنە مەيىرباندى بولۋ كەرەك ومىردە. ماحابباتارىڭ شىن ماحاببات بولسا, مەن ويلايمىن وندا بىرگە ك ۇلىپ, جايناپ جۇرە بەرەمىز. جۇمىستا دا, ءبىر بىرىنە ەشقاشان دا «سەنىڭ جۇمىسىڭ, مەنىڭ جۇمىسىم» دەپ بولمەي, بىرگە ىستەسە, ءبارى بولادى ومىردە. وشاراپ پەن روزا ايتجانوۆا ەكى ۇل, ءبىر قىز تاربيەلەپ ءوسىردى. ولاردان جەتى نەمەرە, ءبىر شوبەرە ءسۇيدى. ۇلكەندەردەن العان ءتالىم-تاربيەنىڭ ارقاسىندا بالالارىنىڭ ءبارى ەڭبەكقور, ادال, قايىرىمدى بولىپ ءوستى. بيىل بۇل اۋلەتتە ءبىر ەمەس, قوس مەرەيتويدىڭ قۇرمەتىنە اق داستارحان جايىلادى. اتا-اناسى «التىن», ال ۇيلەنگەنىنە 25 جىل تولعان ۇلكەن ۇلى «كۇمىس» تويىن تويلاعالى جاتىر.