OTBASY – BASTY QUNDYLYQ

Naýryz meıramy qarsańynda otbasylyq qundylyqtardy da aıryqsha dáripteý mańyzdy. Mysaly, Qaraǵandy oblysy, Abaı qalasynda turatyn Aıtjanovtar otbasy kópke úlgi.

Osharap pen Roza Aıtjanova bir birin bala kúninen tanıdy. Olar bir aýylda týyp ósken. Qolań shashy ıyǵyna tógilgen bıjetkenge bozbala Osharap sezimin bildirip, otbasyn qurý týraly usynys jasaıdy. Mine, sodan beri arada 50 jyl zyrǵyp óte shyqty.  Osharap Aıtjanov, Abaı qalasynyń turǵyny: — Adamgershiligi jaqsy, balalarǵa jaqsy qaraıdy. Qolynan bári keledi. Qandaı tamaq, ol týraly problema joq.

Barlyǵy keledi qolynan. Bir jaǵynan aqyldy. Tanysqannan keıin aıttym shesheme. Shesheme unaı ketti. Sóıtip baryp, quda túsip, sodan keıin úılenip kettik. Kenshiler otbasynda ósken Osharap Qarpekuly 30 jyldan astam ýaqyt boıy shahtada bel jazbastan eńbek etti. Búginde qurmetti demalysta. Altyn asyqtaı qos uly áke jolyn qýyp, kenshilik mamandyqty tańdady. Al Roza Medııanqyzy – kitaphanashy. Ol qazir de kitaphanada jumys isteıdi. Ul-qyzyn kórkem ádebıet oqýǵa baýlyp, gúl ósirýdi úıretken. «Biz bir birimizge keshirimdi bola bildik. Bul eń basty otbasylyq qundylyq», — deıdi ol. Roza Aıtjanova, Abaı qalasynyń turǵyny: — Bir birine meıirbandy bolý kerek ómirde. Mahabbataryń shyn mahabbat bolsa, men oılaımyn onda birge kúlip, jaınap júre beremiz. Jumysta da, bir birine eshqashan da «seniń jumysyń, meniń jumysym» dep bólmeı, birge istese, bári bolady ómirde. Osharap pen Roza Aıtjanova eki ul, bir qyz tárbıelep ósirdi. Olardan jeti nemere, bir shóbere súıdi. Úlkenderden alǵan tálim-tárbıeniń arqasynda balalarynyń bári eńbekqor, adal, qaıyrymdy bolyp ósti. Bıyl bul áýlette bir emes, qos mereıtoıdyń qurmetine aq dastarhan jaıylady. Ata-anasy «altyn», al úılengenine 25 jyl tolǵan úlken uly «kúmis» toıyn toılaǵaly jatyr.